Ministère de la Famille, des Solidarités, du Vivre ensemble et de l'Accueil

Deen dacks als Familljeministère genannte Ministère fir Famill, Solidaritéit, Zesummeliewen an Accueil (fr: Ministère de la Famille, des Solidarités, du Vivre ensemble et de l'Accueil, gekierzt MFSVA) ass e Ministère zu Lëtzebuerg, dee mat der Regierung Frieden-Bettel de 17. November 2023 an d'Liewe geruff gouf.

Ministère de la Famille, des Solidarités, du Vivre ensemble et de l'Accueil

Ministère fir Famill, Solidaritéit, Zesummeliewen an Accueil
Land	Lëtzebuerg
Minister	Max Hahn
Verwaltungssëtz	Hamm
Gegrënnt	17. November 2023
Um Spaweck	http://mfsva.gouvernement.lu/fr.html

En ersetzt de fréiere Ministère fir Famill, Integratioun an d'Groussregioun.

Allgemenges

D'Zoustännegkeet vum Ministère huet absënns d'Famill an d'Familljepolitik, d'Politik vun den ale Leit, de Leit mat engem Handicap, d'Bekämpfung vun der Aarmut grad wéi d'Beräicher Solidaritéit, Sozialhëllef a Zesummeliewe begraff.

Kompetenz vum Familljeministère

D'Servicer a Verwaltungen déi ënnert d'Kompetenz vum Familljeministère falen, sinn am interne Reglement vun der Regierung festgehalen. Dozou gehéieren haaptsächlech déi follgend Kompetenzberäicher:

• Familljepolitik a Benevolat: Ausbildung, Mediatioun, Berodung an Ënnerstëtzung vun de Familljen; Kannergeld; Zukunftskeess; Benevolat; Fong fir d'Finanzéierung vun der sozio-familiärern Infrastrukturen; Commission d'harmonisation et la Commission paritaire
• Allgemeng Politik fir:
  • eeler Leit
  • Leit mat Behënnerungen
  • d'Bekämpfung vun der Aarmut an der domat verbonnener Ausgrenzung am Beräich vum Logement
  • d'interkulturellt Zesummeliewen

• Office national de l'accueil; Opnamzentere fir Demandeurs d'asile

Kuckt och

• Regierung (Lëtzebuerg)
• Lëscht vun de lëtzebuergeschen Familljeministeren

Um Spaweck

Commons: Ministère de la Famille, des Solidarités, du Vivre ensemble et de l'Accueil – Biller, Videoen oder Audiodateien

• De Ministère op gouvernement.lu, der Websäit vun der Regierung