Ministère de la Famille, de l'Intégration et à la Grande Région

De Ministère fir Famill, Integratioun an d'Groussregioun, dacks just Familljeministère genannt, (fr: Ministère de la Famille, de l'Intégration et à la Grande Région), war bis 2023 e Ministère zu Lëtzebuerg. Mat der Regierung Frieden-Bettel gouf en de 17. November 2023 mam Ministère fir Famill, Solidaritéiten, Zesummeliewen an Accueil ersat.

Ministère de la Famille, de l'Intégration et à la Grande Région
Ministère fir Famill, Intégratioun an d'Groussregioun
Land	Lëtzebuerg
Minister	Max Hahn
Verwaltungssëtz	Hamm
Adress	13c, rue de Bitbourg L-1273 Lëtzebuerg
Ënnersteet der/dem	Lëtzebuerger Regierung
Opgeléist	17. November 2023
Um Spaweck	https://mfamigr.gouvernement.lu/

Allgemenges

D'Zoustännegkeet vum Ministère huet absënns d'Famill an d'Familljepolitik, d'Politik vun den ale Leit, de Leit mat engem Handicap, d'Integratioun vun den Auslänner grad wéi d'Beräicher Solidaritéit a Sozialhëllef begraff.

Wat d'Groussregioun ugeet, huet sech de Ministère ë. a. ëm déi national Representatioun um Sommet vun der Groussregioun an ëm d'Gestioun vum Haus vun der Groussregioun gekëmmert.

Kompetenz vum Ministère

D'Servicer a Verwaltungen déi ënnert d'Kompetenz vum Familljeministère gefall sinn, waren am Arrêté grand-ducal vum 28. Mee 2019 festgehalen. Dozou hunn ë. a. gehéiert:

• Kannergeldskeess,
• Établissement public « Centres, foyers et services pour personnes âgées »,
• Servicer fir al an handicapéiert Leit vum Centre hospitalier neuropsychiatrique,
• Senioren-Telefon,
• Fonds national de solidarité,
• Koordinatioun vun der Politik fir d'LGBT-Communautéit.

Kuckt och

• Regierung (Lëtzebuerg)
• Lëscht vun de lëtzebuergesche Familljeministeren

Um Spaweck

Commons: Ministère de la Famille, de l'Intégration et à la Grande Région – Biller, Videoen oder Audiodateien

• De Ministère op gouvernement.lu, der Websäit vun der Regierung