European Launcher Development Organisation

D'European Launcher Development Organisation (kuerz ELDO) gouf 1962 duerch sechs europäesch Staate an Australien gegrënnt. Hir Konventioun war den 29. Februar 1964 a Kraaft getrueden. Zweck vun der ELDO war d'Entwécklung vun enger europäescher Drorakéit, der Europa. Domat wollt sech Europa ee vun den USA onofhängegen Zougank zum Weltraum erschléissen.

*Europa 2* Rakéit. Längt 31,65 m, Duerchmiesser 3,69 m

Den Etat vun der ELDO war 1972 ronn 79,3 Milliounen US-Dollar a gouf zu 90 Prozent vun Däitschland a Frankräich bezuelt. Italien hat seng Bäitrëttszuelunge schonn 1969 agestallt.

Den 1. Mee 1973 hunn déi reschtlech Memberen hir Zuelungen och agestallt. No feelgeschloene Starte vun der Europa-II-Rakéit, fir d'lescht de 5. Mee 1971, huet d'Engagement vun de Memberen ëmmer méi ofgeholl, an am Joer 1973 huet d'ELDO hir Aarbechten agestallt an hir Aufgaben op d'European Space Research Organisation (ESRO) iwwerdroen, mat där si 1975 zu der europäescher Weltraumorganisatioun ESA fusionéiert huet.

Australie war Member, well zu Woomera eng Rakéitestartplaz war, déi fir Europa-Rakéite gebraucht konnt ginn.

Grënnungsmemberen

Däitschland
Australien
Belsch
Frankräich
Groussbritannien an Nordirland, vun 1972 nëmmen nach als Observateur
Italien
Holland

Kuckt och

Portal Astronomie

National Aeronautics and Space Administration

Literatur

ESA History Advisory Committee: A history of the European Space Agency 1958–1987, Volume 1: The story of ESRO and ELDO (=ESA special publication 1235). European Space Agency 2001, ISBN 92-9092-536-1
Niklas Reinke: Geschichte der deutschen Raumfahrtpolitik. Konzepte, Einflussfaktoren und Interdependenzen: 1923–2002, München 2004, ISBN 3-486-56842-6

Um Spaweck

(en) ESA: Die Geschichte der ESRO und ELDO von 1958 bis 1973 (PDF, 3,08 MB)