Elmen
|
Dësen Artikel beschäftegt sech mat dem neie Wunnquartier an der Gemeng Kielen: Elmen. Fir aner Bedeitungen, kuckt wgl. Elmen (Homonymie). |
|
Dëse Geographiesartikel iwwer Lëtzebuerg ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Elmen ass en neie Wunnquartier bei Ollem an der Gemeng Kielen.
| Elmen | |
|---|---|
| An anere Sproochen |
fr: Elmen de: Elmen |
| Land | Lëtzebuerg |
| Kanton | Capellen |
| Gemeng |
 Kielen |
| Buergermeeschter | Félix Eischen (CSV) |
| Koordinaten |
49° 38’ 59.8’’ N 05° 59’ 17.3’’ O |
 | |
Geographie
ännerenDat „neit Duerf“ gëtt bis 2026/27 (Stand: Sept. 2020) op engem Terrain vu 27 Hektar, op de Flouere Siggelsreech, Am Grënnchen an Op der laanger Schanz vun der Gemeng Kielen zesumme mat der Société nationale des habitations à bon marché gebaut.[1][2]
Den neie Quartier vun Ollem läit nërdlech vum CR103, am südwestleche Wupp vun der Gemeng Kielen. E stéisst am Süden deelweis un d'Gemeng Mamer.
„Alternatiivt Wunnen“
ännerenBeim Projet Elmen handelt sech ëm Wunnraum fir eng 2.000 Leit, op 375 Haiser an 375 Appartementer verdeelt, bei deem vill Wäert op Nohaltegkeet geluecht gëtt. Sou hunn d'Haiser keng Garage, ma d'Autoe mussen, wann een dann een huet, an engem Parkhaus ofgestallt ginn. Et gëtt eng direkt Buslinn vun do an d'Stad Lëtzebuerg amenagéiert, an och e Carsharingsystem kéint agefouert ginn. Schoulen an Akafsgeleeënheeten am Quartier solle fir kuerz Weeër suergen.
An enger éischter Phas gi 400 Wunnenge gebaut an ufanks Februar 2023 war déi offiziell Iwwerreechung vun de Schlësselen un déi éischt Awunner vum neie Quartier (32 Stéit mat 95 Awunner)[3]. Den éischte Stee fir d'Grondschoul zu Elmen ass den 19. November 2021 geluecht ginn[4].
Um Spaweck
änneren- Websäit vum Projet
- MyElmen: Ein neues Dorf schafft sich sein Dorfleben selbst op wort+, 14.02.2024
- 386 Wunnengen entstinn am neie Quartier "Elmen" rtl.lu, 14.03.2021
Referenzen
änneren- ↑ Quell, wou net anescht uginn: "Elmen: Neue Siedlung mit neuer Mobilität." wort.lu, 06.09.2020.
- ↑ (fr)ELMEN - Mon nouveau village | Séance d’information (Phase 2). www.kehlen.lu (31.03.2021) Archivéiert de(n) 2023-04-17. Gekuckt de(n) 14.02.2024.
- ↑ (lb)Offiziell Iwwerreechung vun de Schlësselen un déi éischt Awunner vum neie Quartier Elmen. www.kehlen.lu (03.02.2023) Archivéiert de(n) 2023-04-17. Gekuckt de(n) 14.02.2024.
- ↑ (fr)Construction d'un bâtiment scolaire à Olm au nouveau quartier « Elmen ». www.kehlen.lu (19.11.2021) Archivéiert de(n) 2023-04-17. Gekuckt de(n) 14.02.2024.