Edwin Hubble
Den Edwin Powell Hubble, gebuer den 20. November 1889 zu Marshfield, Missouri, a gestuerwen den 28. September 1953 zu San Marino, Kalifornien, war en US-amerikaneschen Astronom.
| Edwin Hubble | |
|---|---|
.JPG) | |
| Gebuer | 20. November 1889 |
| Gestuerwen |
28. September 1953 San Marino |
| Doudesursaach | Hiereschlag |
| Nationalitéit | USA |
| Educatioun |
University of Chicago, Queen's College |
| Aktivitéit | Astronom, Astrophysiker, Kosmolog |
| Member vun | American Philosophical Society, National Academy of Sciences |
 | |
Liewen a Wierk
ännerenDen Hubble huet Physik an Astronomie zu Chicago, a Rechtswëssenschaften zu Oxford studéiert.
Nodeem hie schonn 1912 als Student um Flagstaff-Observatoire éischt Experienze mat der Relativvitess vun zwee Stäresystemer gemaach hat, konnt hien 1923 am Mount Wilson-Observatoire noweisen, datt den Andromedaniwwel M31 wäit baussenzeg vun eiser Mëllechstrooss läit. D'Resultater vu sengen Observatiounen a Berechnungen, Cepheids in Spiral Nebulae, leet hien zum Joresenn 1924/25 der Joressëtzung vun der US-amerikanescher Astronomevereenegung AAS vir, wou si den 1. Januar 1925 publik gemaach ginn.
Opgrond vun der raimlecher Verdeelung vun anere Galaxien, souwéi vun hiren, am Spektrum nowäisbare Routverrécklungen, ergëtt sech dem Hubble säi bekanntste Bäitrag zu der Astronomie: D'Entdeckung vun der Weltraum-Expansioun.
Den Hubble entdeckt, datt d'Spektre vu verschiddene Galaxien net zu gläichen Deeler an dat Rout oder an dat Blot verréckelt sinn, awer, datt et méi routverréckelt Spektre gëtt. Aus dem Dopplereffekt léisst sech dofir ofleeden, datt sech bal all observéiert Galaxië vun eis distanzéieren. Domat net genuch, den Hubble entdeckt och en direkte proportionellen Zesummenhank tëscht der Routverrécklung an der Distanz vun der observéierter Galaxie, wat bedeit, datt sech eng Galaxie, wat se méi wäit vun ons ewech ass, si sech méi séier vun eis fortbeweegt. Aus dësen Observatioune leet hien d'Expansioun vum Universum of, déi spéider mat dem Urknallmodell erkläert konnt ginn.
D'Gréisst, déi déi Expansioun beschreift, gëtt him zu Éieren Hubble-Konstant genannt. Si ass no aktuelle Miessunge vum WMAP am Joer 2003 71±4 km/s pro Megaparsec (1 Mpc ~ 3 Millioune Liichtjoer).
Den Hubble hat och d'Hubble-Sequenz, e morphologescht Uerdnungsschema fir Galaxien entwéckelt.
.jpg)
Éierungen
änneren- D'Hubble-Weltraumteleskop (HST) gouf och no him genannt. Duerch vun der Äerdatmosphär ongestéiert Observatiounsméiglechkeete kënne seng CCD-Sensoren déi klengst Detailer vu Planéiten a Stäresystemer ophuelen.
- Den Asteroid 2069 ass no him benannt.
- E Krater um Äerdmound ass och no him benannt.
Literatur
änneren- Alexander S. Sharov, Igor D. Novikov: Edwin Hubble. Der Mann, der den Urknall entdeckte. Basel, 1994, ISBN 3-7643-5008-3
Kuckt och
änneren
Um Spaweck
änneren| Commons: Edwin Hubble – Biller, Videoen oder Audiodateien |
- (de) Chr. Pinter: Rekordjäger im Nebelreich
- (de) Edwin Hubble und die Hubblekonstante
- (de) Projetaarbecht um Carl-Zeiss-Gymnasiums zu Jena/Thüringen)
- (fr) Biographie de Edwin Hubble
- (en) Edwin Hubble bio - Written by Allan Sandage