Donkels

Donkels ass eng Uertschaft an der Gemeng Wanseler.

Donkels
Donkels gemoolt vum Mathis Wildanger
Aussprooch
An anere Sproochen	fr: Doncols de: Donkols
Land	Lëtzebuerg
Kanton	Wolz
Gemeng	Wanseler
Buergermeeschter	Romain Schroeder
Awunner	431
	1. Januar 2023
Héicht	466 m
Koordinaten	49° 58’ 12’’ N       05° 50’ 15’’ O

Donkels a Soller waren déi eenzeg Uertschaften um Territoire vum haitege Lëtzebuerg, an deene fréier Wallounesch geschwat gouf.

Duerch d'Grenzzéiung duerch den Traité vu London koum et net, wéi déi aner wallouneschsproocheg Uertschaften, un d'Provënz Lëtzebuerg, mä un de Grand-Duché. Zeien dovu sinn z. B. franséischsproocheg Flouernimm, wéi Bois des Poux oder wallouneschsproocheg Bezeechnunge vun Uertschaftsdeeler vun Donkels, wéi Bohey.

Hirem Wollef hunn déi Donkelsser e Monument opgeriicht

Geschicht

Donkelsser Wollef

Den "Donkelsser Wollef" war e Schéifer vu Briech, deen uganks vum 19. Joerhonnert an der Donkelsser Géigend Kierf verkaaft, an de Leit Geschichten iwwer déi sëllege Wëllef erzielt huet, déi en doutgemaach hätt, a fir déi Geschichten Iesse geheescht huet. Hie war mat engem Wollefspelz gekleet, dofir säin Numm. Duerch dëst markant Optriede war en iwwerall an deem Streech bekannt, soudatt et zum Ausdrock "Bekannt wéi den Donkelsser Wollef" koum.

Literatur

• Alain Atten, Le wallon frontalier de Doncols-Sonlez; in: Beiträge zur luxemburgischen Sprach-und Vokskunde; Nr. XV; Lëtzebuerg, 1980; erausgi vum Institut grand-ducal, Section de Linguistique, de Folklore et de Toponymie.

Kuckt och

• Parkierch vun Donkels
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Donkels – Biller, Videoen oder Audiodateien