Desnié

Desnié ass eng Uertschaft an der belscher Gemeng Theux an der Provënz Léck a Wallounien.

Desnié
Den Îlot des Arbres zu Basse-Desnié
Land	Belsch
Regioun	Wallounien
Communautéit	Franséisch Communautéit
Provënz	Léck
Arrondissement	Verviers
Gemeng	Theux
Koordinaten	50° 27’ 44’’ N 05° 48’ 39’’ O
Telefonszon	087
Postcode	4910

Bis zur belscher Gemengereform vun 1977 huet Desnié zur fréierer Gemeng La Reid gehéiert.

D'Uertschaft besteet aus den zwéin Deeler Basse-Desnié an Haute-Desnié. Duerch d'Uertschaft leeft de Ruisseau de Desnié eng Niewebaach vun der Eau Rouge.

Kuckeswäertes

• Den Tram, e Gebaierkomplex an enger Rei, deen aus der Kierch, dem Paschtoueschhaus an der fréierer Schoul besteet.
• De Kierfecht mat en ettleche Caveauen a monumentale Griewer, leider vill a schlechtem Zoustand, 5 Commonwealthgriewer vu britteschen Zaldoten déi do am Éischte Weltkrich zu Fagne Marron ëm d'Liewe koumen, an de Pavillon Trasenster deen de Gustave Trasenster, e Schmelzenhär vun der Ougrée-Marihaye, do als Kopie vum Pavillon vun der Kinnigin Jeanne deen zu Baux-de-Provence steet, opriichte gelooss huet.
• Eng kleng Muttergotteskapell vun 1946 als Merci, well d'Duerf vun der Ardennenoffensiv verschount bliwwe war.
• Den Îlot des Arbres mat dem Kräiz an der Mëtt

Desnié am Sport

De Stouss vun Desnié steet reegelméisseg um Progamm vun der Classique Léck-Baaschtnech-Léck.

Biller

• 
  De Pavillon vun der Famill Trasenster um Kierfecht vun Haute-Desnié
• 
  Commonwealthgriewer um Kierfecht vun Haute-Desnié
• 
  De Ruisseau de Desnié op der Héicht vun der Kierch
• 
  Muttergotteskapell vun 1946 zu Haute-Desnié