Haaptmenü opmaachen

Carole Dieschbourg

lëtzebuergesch Politikerin (Déi Gréng)

D'Carole Dieschbourg, gebuer den 3. Oktober 1977 zu Ettelbréck[1], ass eng lëtzebuergesch Geschäftsfra a Politikerin (déi Gréng)[2]. Si ass zanter Dezember 2013 Ministesch fir Ëmwelt, Klima a Nohaltegkeet an de Regierunge Bettel-Schneider a Bettel-Schneider-Braz.

Carole Dieschbourg
Informal meeting of environment ministers. Handshake Siim Kiisler and Carole Dieschbourg (35852057136) CROP DIESCHBOURG.jpg
Gebuer 3. Oktober 1977
Iechternach
Nationalitéit Lëtzebuerg
Educatioun Universitéit vun Tréier
Aktivitéit Politiker, Geschäftspersoun, Schrëftsteller
Partei déi gréng
Wikidata-logo-without-paddings.svg

CarrièreÄnneren

D'Carole Dieschbourg huet op der Universitéit Tréier Geschicht a Germanistik studéiert. Dono huet si fir e LEADER-Projet geschafft an an der Folleg dovun e Buch iwwer d'Millen am Mëllerdall erausginn[3].

Ier si Ministesch gouf, huet si am Familljebetrib, der Dieschbourger Millen, geschafft. Si war vun 2011 bis 2013 am Gemengerot zu Iechternach[4].

Si war bei de Chamberwale vum 20. Oktober 2013 eng zweete Kéier Kandidatin fir déi Gréng am Walbezierk Osten. Si gouf net direkt gewielt, ma gouf doropshin, de 4. Dezember 2013, Ministesch fir Ëmwelt an der Regierung Bettel-Schneider.

2015, wéi Lëtzebuerg d'Présidence vu Conseil vun der Europäescher Unioun hat, huet d'Carole Dieschbourg wärend der Weltklimakonferenz zu Paräis d'Positioun vun der EU bei der 21. Vertragsstaatekonferenz koordinéiert.

Bei de Chamberwale vum 14. Oktober 2018 gouf si als Deputéiert an d'Chamber gewielt, huet awer op hiert Mandat verzicht, fir an der Regierung Bettel-Schneider-Braz de Portefeuille vun der Ministesch fir Ëmwelt, Klima a Nohaltegkeet z'iwwerhuelen.

WierkÄnneren

  • Dieschbourg, Carole (Text) a Christof Weber (Fotoen), 2007: Die Mühlen des Müllerthals oder Les moulins du Müllerthal, Éditions Guy Binsfeld. 220 S. Et ginn eng 80 Mille beschriwwen, mat villen historesche Biller an aktuelle Fotoen. Et gëtt eng däitsch an eng franséisch Editioun.

LiteraturÄnneren

  • Christoph Seidler: "Carole Dieschbourg: Europas Stimme auf dem Klimagipfel." Spiegel Online vum 9. Dezember 2015.
  • Jochen Zenthöfer: "Von der Mühle des Getreides zu den Mühlen der Demokratie – Porträt der neuen Ministerin Carole Dieschbourg."" In: Télécran – Das Luxemburger Magazin, Nr. 51/2013, S. 16–19.

Um SpaweckÄnneren

Commons: Carole Dieschbourg – Biller, Videoen oder Audiodateien

ReferenzenÄnneren