Bloen Eck

De Bloen Eck ass e Lieu-dit an e Café-Restaurant zu Steeën an der Ärenzdallgemeng, laanscht d'Nationalstrooss 14, op der Kräizung mam CR347 tëscht Miedernach an Dikrech.

Bloen Eck
De Café-Restaurant um Bloen Eck
Land	Lëtzebuerg
Kanton	Dikrech
Gemeng	Ärenzdall
Buergermeeschter	Bob Bintz
Koordinaten	49° 49’ 36.9’’ N       6° 10’ 56.8’’ O

D'Plaz krut hiren Numm wéinst der bloer Fassad vum Café-Restaurant deen ëm 1900 an engem Gebai op der Plaz ageriicht gouf.

Um Lieu-dit gouf 2014 de Foussballsterrain mam Numm Bloen Eck ageweit.

Geographie

De Bloen Eck läit op enger Héicht vun 320 Meter. E puer honnert Meter südwestlech dervun huet d'Tirelbaach hir Quell.

Geschicht

Ëm 1900 huet eng Famill Blau dat fréiert Haus Burg op där Plaz kaaft fir do e Café anzeriichten. Bis Ugangs der 1980er^[Wéini ?] ass den CR347 lénks laanscht der Entrée vum Gebai verlaf. D'Gebai louch deemno am Eck tëscht der Nationalstrooss 14 an dem CR347.

Spéider gouf aus dem Café e Restaurant, duerno eng Diskothéik a méi rezent nees e Café-Restaurant-Pizzeria.

• 
  De Café ëm d'1960er Joren.
• 
  Topographesch Kaart vun 1979 mam fréiere Verlaf vum CR347.
• 
  Schëld op der N14.
• 
  Fréier an haiteg Entrée vum Café-Restaurant Bloen Eck.
• 
  Alen CR347 Verlaf.
• 
  Ënnerféierung ënnert d'N14 bei de Futtballterrain.

Literatur

• Cadamuro, C., 2015. Vermächtnis der Familie Blau. Luxemburger Wort vum 13. Mäerz 2015, S. 29.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Bloen Eck – Biller, Videoen oder Audiodateien