Auby-sur-Semois

Auby-sur-Semois op Wallounesch Åbî, ass eng Sektioun vun der belscher Gemeng Bertrix an der Provënz Lëtzebuerg.

Auby-sur-Semois
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Neufchâteau
Gemeng	Bertrix
Koordinaten	49° 48’ 57’’ N       05° 10’ 52’’ O
Telefonszon	061
Postcode	6880

Bis zur Belscher Gemengereform vun 1977 war Auby-sur-Semois eng eegestänneg Gemeng.

Zur fréierer Gemeng hu follgend Uertschaften a Lieu-dite gehéiert: Biarde a La Géripont.

D'Uertschaft gëtt 893 fir d'éischt ënner dem Numm Albieg, an Albiegas ernimmt.

Nodeem se am Ufank zu der Grofschaft Chiny gehéiert huet, koum se 1226 an de Besëtz vun der Dame de Florenville. Duerno huet den Evrard II. de La Marck sech do Meeschter gemaach, an um Enn vum 15. Joerhonnert koum se grad wéi Cugnon a Mortehan an d'Vogtei vu Chassepierre, an huet domat de Prënze vu Löwenstein-Stolberg gehéiert. Den 30. Juli 1899 huet se sech vun der Gemeng Cugnon lassgesot, a gouf eegestänneg.