Alfred Charles Kinsey

Den Alfred Charles Kinsey, gebuer den 23. Juni 1894 zu Hoboken, New Jersey, a gestuerwen de 25. August 1956 zu Bloomington, Indiana, war en US-amerikanesche Sexualfuerscher an Héichschoulenseignant.

Alfred Charles Kinsey
Gebuer	23. Juni 1894 Hoboken
Gestuerwen	25. August 1956 Bloomington
Doudesursaach	Longenentzündung
Nationalitéit	USA
Educatioun	Harvard Universitéit, Columbia High School
Aktivitéit	Biolog, Entomolog, Zoolog, Dokter, Sexualwëssenschaftler, Soziolog, Universitéitsprofesser, Psycholog, Schrëftsteller
Member vun	Phi Beta Kappa

Hie war Professer fir Zoologie op der Indiana University an huet als éischte grouss ugeluecht Enquêtë iwwer d'sexuellt Verhale vum Mënsch gemaach. Déi sou gewonnen Donnéeën huet hien an zwee Wierker erausbruecht, Sexual Behavior in the Human Male (1948) a Sexual Behavior in the Human Female (1953), déi allgemeng als Kinsey-Report bekannt goufen. De Kinsey-Report, deen ze soen den Amerikaner de Spigel virgehalen huet, gëllt haut als mat ee vun den Ausléiser vun der sougenannter Sexueller Revolutioun.

Literatur

• Cornelia Christenson: Kinsey: A Biography, Indiana University Press, 1971
• Wardell Pomeroy: Dr. Kinsey and the Institute for Sex Research, Harper & Row, 1972
• James H. Jones: Alfred C. Kinsey. A Public/Private Life, Norton, 1997
• Jonathan Gathorne-Hardy: Alfred C. Kinsey: Sex the Measure of All Things. Chatto & Windus, London 1998.
• Josef Rattner & Gerhard Danzer: Alfred C. Kinsey - Ein Wespenforscher übernimmt die Führung in der Sexualwissenschaft, in: Eros und Sexus - Ihre Befreier von 1500 bis 2000, Königshausen & Neumann, Würzburg 2007, ISBN 978-3-8260-3703-0, S. 217-232.
• Gunter Schmidt: Alfred C. Kinsey (1894–1956). In: Volkmar Sigusch, Günter Grau (Hrsg.): Personenlexikon der Sexualforschung. Campus Verlag, Frankfurt/New York 2009, ISBN 978-3-593-39049-9, S. 350–359.

Um Spaweck

Commons: Alfred Kinsey – Biller, Videoen oder Audiodateien