Messier 87

De Messier 87 (och als NGC 4486 bezeechent) ass eng +8,60 mag hell elliptesch Risegalaxie mat enger Flächenausdeenung vun 8.7' × 6.6' am Stärebild Virgo (Jongfra oder och Joffer op Lëtzebuergesch). De Messier 87 ass eng ganz aktiv Galaxie, déi als Radioquell och als Virgo A bezeechent gëtt. D'Galaxie ass no beim Zentrum vum Virgo-Galaxiëkoup, wou den M87 dee gréissten ass, obwuel si un Hellegkeet am visuelle Beräich vum Spektrum vum M49 iwwertraff gëtt. D'Mass vum M87 ass ronn 100 Billioune Sonnemassen. Et gëtt ugeholl, datt am Zentrum vun dëser Galaxie e supermassivt Schwaarzt Lach mat enger Mass vun 3×10⁹ Sonnemassen ass. Een däitlecht Zeechen dorop ass de siichtbare Jet, dee vum Zentrum vun der Galaxie fortgeet.

Den M87 huet dat bis elo gréisst bekannt System vu Kugelstärekéip vun enger Galaxie. Wärend eis Mëllechstrooss ronn 200 Kugelstärekéip huet, geet een beim M87 vun enger Zuel ëm 15.000 souer Objeten aus. Um Bild op der Säit sinn déi meescht vun de stärenaartege Punkten am Beräich vun der Galaxie Kugelstärekéip.

Daten

Koordinaten (Equinoxe 2000.0)

Rektaszensioun: 12^h 30^m 48.00^s
Deklinatioun: +12° 23' 00"

Kuckt och

Portal Astronomie

Um Spaweck

(en) M87 bei SEDS