Universitéit vu Kalifornien

D'University of California (UC) ass nieft dem California-State-University-System dat zweet kalifornescht System vu bundesstaatlechen Universitéite mat am Ganzen iwwer 192.000 Studenten (offiziell gëtt et nach d'Community Colleges California als drëtt). Et gëtt eng „University of California“ an 10 Stied.

Universitéit vu Kalifornien

Typ	Educatiounsinstitut, Universitéit, Organisatioun
Land	Vereenegt Staate vun Amerika
Uertschaft	Oakland, Santa Barbara
Schülerzuel	295.573
Gegrënnt	1868
Grënner	Frederick Low
Koordinaten	37°48'8"N, 122°16'17"W
Um Spaweck	https://universityofcalifornia.edu

Universitéit zu Berkeley)

Déi eenzel Universitéite sinn onofhängeg vuneneen. Si deele sech e gudde Ruff fir d'Qualitéit vun hirer Ausbildung. Vill vun den Universitéiten hunn Nobelpräisdréier an aner Spëtzefuerscher als Professeren. An de leschte Jore goufen d'Nobelpräisser fir Physik a Wirtschaft un d'UC-Professere zu Santa Barbara resp. San Diego verginn.

Geschicht

D'Grënnung vun den Universitéite gouf schonn an der kalifornescher Verfassung vun 1849 virgeschriwwen. 1866 gouf vum Legislateur den 'Agricultural, Mining, and Mechanical Arts College gegrënnt. Am Ufank hat et dem College fir en normale Betrib ze féieren u finanzielle Mëttele gefeelt. D'Sponsore vum College of California hunn am Joer 1866 65 Hektar Land, um Gebitt vum haitege Berkeley, kaf.

Den 23. Mäerz 1868 gouf schliisslech d'University of California mat Vertrag gegrënnt an domat déi eelst Deeluniversitéit, d'UC Berkeley (UCB). De jéngsten Ofleeër gouf 1999 zu Merced gegrënnt, 2002 war d'Ouverture an am September 2005 gouf de Léierbetrib opgeholl.

Plazen

Standplaze vun UC-Campussen a Laboratoiren

Héichschoul	Ofkierzung	Plaz	Grënnung	Studentenzuel (2005)	Sportteam/Liga
University of California, Berkeley	UCB oder Cal	Berkeley	1868	30.269	California Golde Bears (Pacific-12 Conference)
University of California, San Francisco	UCSF	San Francisco	1873	2.863	keng
University of California, Los Angeles	UCLA	Los Angeles	1919	35.967	UCLA Bruins (Pacific-12 Conference)
University of California, Davis	UCD	Davis	1905	30.475	Aggies (Big West Conference)
University of California, Santa Barbara	UCSB	Santa Barbara	1905	20.559	Gauchos (Big West Conference)
University of California, Riverside	UCR	Riverside	1954	16.863	The Highlanders (Big West Conference)
University of California, San Diego	UCSD	San Diego	1959	25.339	Tritons (California Collegiate Athletic Association)
University of California, Irvine	UCI	Irvine	1965	24.434	Anteaters (Big West Conference)
University of California, Santa Cruz	UCSC	Santa Cruz	1965	15.013	Banana Slugs
University of California, Merced	UCM	Merced	2005	1.300	Golde Bobcats (California Pacific Conference)

Laboratoiren

D'University of California ënnerhält dräi national Laboratoiren ënner dem Patronat vum United States Department of Energy:

• Ernest Orlando Lawrence Berkeley National Laboratory
• Lawrence Livermore National Laboratory
• Los Alamos National Laboratory

Observatoiren

D'University of California ënnerhält zwéi Observatoiren. D'Fuerschungszentre sinn zu Santa Cruz ugesidelt, ginn awer vun allen UCs gebraucht.

• Lick-Observatoire
• Keck-Observatoire

Um Spaweck

• Offiziell Homepage
• Office of the President
• Verfassung
• UC Observatorien