Toi, le venin
Toi, le venin ass franséische Film vum Schauspiller a Regisseur Robert Hossein aus dem Joer 1958.
 | |
| Film | |
|---|---|
| Produktiounsland | Frankräich |
| Produktiounsjoer | 1958 |
| Première | 1958 |
| Dauer | 92 min |
| Faarf | Schwaarz-Wäiss |
| Originalsprooch | Franséisch |
| Ekipp | |
| Regie | Robert Hossein |
| Dréibuch |
Robert Hossein no engem Roman vum Frédéric Dard |
| Fotografie | Robert Juillard |
| Musek | André Hossein |
| Produzent | Pierre Laurent |
| Schauspiller | |
|
Marina Vlady als Eva Odile Versois als Hélène Robert Hossein als Pierre Menda Helena Manson als Amélie Henri Crémieux als Dokter | |
Filmportal - Filmer no Joren - Film no Länner - Film no Genre  | |
Déi zwou Schauspillerinnen déi Sëschteren am Film spillen, sinn och am richtege Liewen Sëschteren d'Marina Vlady an d'Odile Versois.
Ëm wat geet et am Film? änneren
De Pierre Menda (Robert Hossein) trëppelt an enger Summernuecht ouni Zil laanscht eng kleng Strooss op der Côte d'Azur. Op eemol hält e luxuriéise wäisse Cabriolet an d'Fra um Steier, vun där de Pierre just hiert laangt blond Hoer erkennt, invitéiert en eranzeklammen, deet sech ouni e Wuert ze soen aus a gëtt sech him hin.
Stënterlech gëtt him bedeit nees aus dem Gefier ze klammen, d'Fra versicht en z'iwwerrennen a mécht sech mam Auto aus dem Stëbs. De Pierre konnt sech awer d'Autosplack mierken a fënnt sou d'Haus vun de Besëtzer vum Auto, d'Famill Lecain.
De Pierre ass bass erstaunt wéi en d'Villa betrëtt, well do wunnen d'Eva an hir Sëschter d'Hélène Lecain, zwou jonk Frae mat laange blonden Hoer, déi sech bal wéi Zwillinge gläichen. D'Eva, déi méi jonk, sëtzt am Rollstull, mä dem Pierre kommen Zweiwel, eng Dräiecksbezéiung entsteet a mat der Zäit ginn d'Geheechnesser éischter méi grouss wéi méi kleng.
Um Spaweck änneren
.jpg)