Sloan Great Wall
D'Sloan Great Wall ass eng gigantesch Mauer aus Galaxien an ass déi gréisst bekannt zesummenhängend Struktur am Universum. Si gouf duerch d'Date vum Sloan Digital Sky Survey am Joer 2003 entdeckt[1]. D'Struktur ass bal dräimol sou grouss wéi d'astronomesch Grouss Mauer an huet eng Längt vu ronn 1,37 Mrd. Liichtjoer.[2] Si ass ronn eng Milliard Liichtjoer vun eiser Äerd ewech.
D'Sloan Great Wall ass net gravitativ gebonnen, soudatt si keen „Objet“ am eigentleche Sënn duerstellt. Villméi handelt et sech ëm eng koherent Glidderung vu Galaxien, déi an der Zukunft zu ville gravitativ gebonnene Galaxiëkéip kollabéiere wäerten. Déi gréisst bekannt „echt“ Struktur am Universum gouf am Juli 2006 mam Subaru-Teleskop entdeckt. Déi ass awer méi kleng wéi d'Sloan Great Wall.[3]
Um Spaweck änneren
- Die Sloan Great Wall Astronomy Picture of the Day 7. November 2007, ofgeruff den 1. Abrëll 2011
- M.Einasto, et al.: The Sloan great wall. Rich clusters@ NASA ADS
Referenzen änneren
- ↑ J. R. Gott III et al., Astrophys. J., 624, 463 (2005).
- ↑ Kenneth R. Lang: A Companion to Astronomy and Astrophysics. Chronology and Glossary with Data Tables, Springer, 2006, S. 103
- ↑ http://www.spacedaily.com/reports/Subaru_Telescope_Spots_Largest_Structure_In_The_Universe_999.html