Rugby Union

Rugby Union
Typ	Rugby
Olympesch Sportaart	nee
Federatioun
International	International Rugby Board
Lëtzebuerg	Fédération luxembourgeoise de rugby
Ursprong
Ursprongsland	Vereenegt Kinnekräich
Erfonnt	1823
Aner Informatiounen
Gebraucht gëtt	Rugbyball, Rugby-Union-Terrain
Aktuelle Weltmeeschter ♂	Südafrika (2023)
Aktuelle Weltmeeschter ♀	Neiséiland (2022)

Rugby Union (dacks einfach nëmme Rugby oder op Franséisch Rugby à 15 oder Rugby XV) ass eng vun zwou Versioune vu Rugby. Et ass dat am meescht verbreet Rugbyspill iwwerhaapt. An dësem Kämpf- a Ballspill versichen zwou Mannschaften zu jeeweils 15 Spiller, e Rugbyball, laanscht oder duerch d'Géignerverdeedegung ze droen an op déi Aart a Weis Punkten ze markéieren.

Den éischte Verband, Rugby Football Union (RFU), ass 1871 an England gegrënnt ginn. Den internationale Verband, deen d'Reegele vum Sport festleet an eng ganz Rei Kompetitiounen organiséiert ass den International Rugby Board (IRB), deen 1886 gegrënnt gouf.

Geschicht^[1]

Et gëtt ugeholl, datt de Rugby Union 1823 wärend engem Fussballmatch erfonnt gouf, wéi e Student vun der Rugby School an England, de William Webb Elis, de Ball an d'Hand geholl huet an iwwer d'Zillinn gelaf ass.

Tëscht 1845 an 1848 hu Studente vun der Rugby School zesumme mat Studente vun der Universitéit vu Cambridge d'Reegele vum Rugby Union festgeluecht, bei deem 15 Spiller pro Ekipp virgesi sinn. De 7er-Rugby gouf 1883 vun zwéi schottesche Metzler, dem Ned Haig an dem David Sanderson, erfonnt, fir Spenden ze sammelen.

Reegelen

Zil vum Spill

Eng Mêlée

Zil vum Spill ass et, méi Punkte wéi d'Géignermannschaft ze maachen. Dofir gëtt et dräi Méiglechkeeten:

Et kann een de Ball laanscht d'Géignermannschaft droen hanner d'Linn d'essai, an do op de Buedem leeën. Dat ass wat een en Essai nennt, op Englesch try, deen zielt fir fënnef Punkten. Duerno huet d'Mannschaft d'Chance eng Transformatioun ((en) conversion) vu weideren zwéi Punkten z'erzilen. Heibäi gëtt probéiert, de Ball mat engem Kick vum Buedem op enger Plaz op der Linn (parallel zur baussechter Linn), wou den Essai gesat ginn ass, an zwar duerch e Potto an H-Form ze schéissen. De Ball soll dann iwwer d'mëttelst Lat fléien.
Wann e Feeler geschitt, muss eng Penalitéit geschoss ginn. Dat heescht nach eng Kéier datt de Ball gekickt gëtt, an zwar erëm iwwer d'Mëttellat vun de Pottoen.
Wärend dem Spill ass et och méiglech eng reng technesch Beweegung duerchzeféieren, den Drop-Kick. Deen ass dräi Punkte wäert.

Spiller

Déi 15 Spiller vun all Mannschaft ginn an aacht Stiermer (Forwards, Trikotnummer 1-8) an a siwen Arrièren (Backs, Trikotnummer 9-15) agedeelt. Bei de Spiller mat den Trikotnummeren 11-14 schwätzt een och vun Trois-Quarts, déi d'Oppositioun zum Stuerm bilden. D'Nummer 10 huet den Numm Demi d'ouverture, well en tëscht dem Stuerm an den Trois-Quarts d'Spill dirigéiert.

Op dëser Skizz kann een d'Opstellung wärend enger Mêlée verstoen.

1 Lénkse Pilier		2 Talonneur		3 Rietse Pilier
	4 Zweet Réi		5 Zweet Réi
6 Lénkse Flanker		8 Nummer 8		7 Rietse Flanker

		9 Demi-de-melée
			10 Demi-d'ouverture
				12 Éischten Zenter
					13 Zweeten Zenter
11 Lénkse Flillek						14 Rietse Flillek
			15 Fofzéng

Standardsituatiounen

En Tackling

Standardsituatiounen am Rugby Union sinn eng Mêlée, mat där e klenge Foul bestrooft gëtt, an och den Aworf, wann de Ball eraus war.

Eng aner quasi-Standardsituatioun ass de Plaquage, mat deem verhënnert gëtt, datt de Géigner Raum wënnt.

Kuckt och

Um Spaweck

Commons: Rugby union – Biller, Videoen oder Audiodateien

↑ (de)Geschichte von: 7er-Rugby. https://olympics.com.+Gekuckt de(n) 27.12.2023.

[1] (de)Geschichte von: 7er-Rugby. https://olympics.com.+Gekuckt de(n) 27.12.2023.

[1]