Dësen Artikel beschäftegt sech mat der Rouder Wullmaus (Myodes glareolus). Fir d'Zeitung mat deem Numm, kuckt wgl. D'Ro'd Wullmaus.

D'rout Wullmaus (Myodes glareolus oder Clethrionomys glareolus) ass e Knabberdéier aus der Famill vun de Wullmais. Et ass déi eenzeg Aart vun der Gattung vun de roude Wullmais (Myodes) déi a West- and Zentraleuropa virkënnt. Aner Aarte kommen nach an Nordeuropa vir.

Rout Wullmaus
Rout Wullmaus

Rout Wullmaus
Rout Wullmaus
Systematik
Räich: Déiereräich
Stamm: Chordata
Klass: Mamendéieren
Uerdnung: Knabberdéieren
Famill: Cricetidae
Gattung: Rout Wullmais
Aart: Rout Wullmaus
Wëssenschaftlechen Numm
Myodes glareolus

Ausgesinn änneren

En erwuessent Déier ass 8,5 bis 11 cm laang an tëscht 14 a 40 g schwéier. De Schwanz ass 36 bis 72 mm laang. Op Insele ginn d'Déiere mei grouss wei um Festland. De Réck ass roudelzeg-brong, d'Säite si groelzeg mat engem roudelzege Schäin, an de Bauch ass giel bis knaschteg-wäiss. De Kapp ass kuerz a stomp mat Oueren, déi mei grouss sinn wei déi vun anere Wullmais.

Behuelen änneren

Rout Wullmais hunn e planzleche Kascht, deen aus Somkären, Friichten, Blieder, Kraider a Bamschuel besteet. Dobäi komme geleeëntlech Pilzen, Mooser, Wuerzelen, Gras an och Insekten, Wierm a Schleeken. An nërdleche Géigenden leeën d'Déiere Reserven u fir de Wanter.

D'Déiere sinn souwuel am Dag wei och nuets aktiv, am Summer meeschtens nuets.

D'rout Wullmais maachen e bullefërmegt Nascht aus Blieder, Moos, Gras, a Fiederen, dat tëscht 2 an 10 cm ënner dem Buedem ass, dacks ënner Wuerzelen oder ëmgefalene Beem. Et kann och an engem huele Bam sinn.

 
Rout Wullmaus virun hirem Bau

Rout Wullmais reproduzéiere sech tëscht Abrëll an September-Oktober. Den Nowuess kënnt 16-18 Deeg no der Befruchtung op d'Welt. Op eng Kéier komme 3 bis 5 Jonker op d'Welt; d'Weibche kann am Joer véier bis fënnefmol jéngeren. Eng neigebuere Maus weit 2 Gramm. Nëmmen d'Mamm këmmert sech ëm den Nowuess. Déi Kleng gi 14 Deeg geniert. No 4 an enger hallwer Woch ass e Weibche geschlechtsräif.

Eng rout Wullmaus ka bis zu 18 Méint an der Natur al ginn, an der Gefaangenschaft bis zu 4 Joer. Zu hire Friessfeinden ziele virun allem d'Eilen, d'Wiselen an dFiiss.

Kuckt och änneren

  • D'Ro'd Wullmaus, eng lëtzebuergesch Studentenzeitung vun uganks vun den 1970er Joren.

Um Spaweck änneren

Commons: Myodes glareolus – Biller, Videoen oder Audiodateien