Ranger 9

De Ranger 9 war eng Raumsond vun der US-amerikanescher Raumfaartagentur NASA. Si war déi néngt a lescht Sond am Kader vum Ranger-Programm fir Erfuerschung vum Äerdmound. Si war wéi Ranger 6 bis Ranger 7 am sougenannte Block-III-Design gebaut an huet 367 Kilogramm gewien. Wéi d'Missioune virdru sollt si an de leschte Minutte virum Opschlag Biller vun der Mounduewerfläch maachen an op d'Äerd schécken.

Ranger 9
Ranger 9
Typ	Äerdmoundsond
Land	USA
Agentur	NASA
COSPAR-Bezeechnung	1965-023A
Mass	367 kg
Start	21. Mäerz 1965
Startplaz	CCAFC LC-12
Drorakéit	Atlas-Agena-B
Status	Schluss vun der Missioun 24. Mäerz 1965

Missioun

D'Ranger 9 gouf den 21. Mäerz 1965 u Bord vun enger Atlas-Agena-B-Rakéit LC-12 vun der Cape Canaveral Air Force Station gestart. Nom Erreeche vun der Parkbunn an 185 Kilometer Héicht gouf d'Agena-Uewerstuf 90 Sekonne gezünnt an huet d'Ranger 9 op eng Fluchbunn fir op de Mound bruecht. 70 Minutten nom Start huet si d'Solarpanéilen opgemaach. Den 23. Mäerz 1965 gouf et eng Zündung vun de Korrekturdreifwierker vun 31 Sekonnen. De 24. Mäerz 1965 huet Ranger 9 de Mound erreecht. Dat éischt Bild gouf aus enger Héicht vun 2363 Kilometer um 13:49 Auer UT opgeholl. Dat lescht Bild hat eng Opléisung vun 0,3 Meter a war domat dat héchstopgeléist Bild vun de Ranger-Missiounen. No 64 Stonne Missiounsdauer ass d'Sond mat zirka 2,67 km/s am Krater Alphonsus ageschloen.

D'Missioun war en Erfolleg.

Trivia

Déi lescht Biller vun der Sond goufe live an der amerikanescher Televisioun iwwerdroen.

Kuckt och

Portal Astronomie

Um Spaweck

Ranger 9
Bernd Leitenberger: D'Ranger-Moundsonden
(en) Lunar Impact - A History of Project Ranger, Online-Versioun vun engem NASA-Buch

Live-Biller vun de leschte Sekonnen.