RGTR-Linn 321

D'RGTR-Linn 321 ass eng regional Buslinn déi am Kader vum RGTR am Optrag vum Ministère fir Mobilitéit an ëffentlech Aarbechten um Trajet Kierchbierg - Hueschtert - Ueweraanwen fiert.

E Bus op der fréierer Linn 321 an der Avenue Monterey
Bedreiwer	RGTR
Trajet	Kierchbierg - Ueweraanwen
Terminus 1
Numm	LUXEMBOURG (Kirchberg), Gare rout. Luxexpo
Koordinaten	49° 38’ 10.7’’ N 6° 10’ 29.1’’ O
Terminus 2
Numm	OBERANVEN, Gemeng
Koordinaten	49° 39’ 32.8’’ N 06° 14’ 33.7’’ O
Aller
Fuerzäit	23 Min.
Halten	21
Retour
Fuerzäit	29 Min.
Halten	21
Takt
Méindeg-Freideg	30 Min.
Samschdeg	30 Min.
Sonndeg	120 Min.

Mat der neier Nummeréierung vum RGTR-Reseau de 17. Juli 2022 gouf et follgend Ännerungen:

• déi aktuell Linn 321 gouf virdrun als Linn 125 gefuer;
• aus der fréierer Linn 321 (vu Lëtzebuerg iwwert Esch-Uelzecht op Weller) gouf déi nei 604.

 Méi Informatioun doriwwer am Artikel: RGTR-Linn 604.

Halten op der Linn

(D'Nimm vun den Halte si sou uginn, wéi se am offizielle Fuerplang 07/2022 publizéiert sinn.)

	Linn 321	Bemierkung
	LUX Kirchberg, Gare routière Luxexpo
	SENNINGERBERG, Rue du Golf
	SENNINGERBERG, Charly's Statioun
	SENNINGERBERG, Breedewues
	HOSTERT (NIEDERANVEN), Stade Jos Becker
	HOSTERT (NIEDERANVEN), Charlys Gare
	HOSTERT (NIEDERANVEN), Kierfech
	HOSTERT (NIEDERANVEN), Binnewee
	HOSTERT (NIEDERANVEN), Betzberg
	SENNINGEN, Um Kiem
	SENNINGEN, Kierch
	NIEDERANVEN, Routscheed
	NIEDERANVEN, Laach
	NIEDERANVEN, Op de Wolleken
	OBERANVEN, Routstrach
	OBERANVEN, Fielsenhaus
	OBERANVEN, Schetzel
	OBERANVEN, Rue d'Ernster
	RAMELDANGE, Bounert
	RAMELDANGE, Rëtsch
	OBERANVEN, Gemeng

Entwécklung vun der Linn

Mat der Nummer 125 gouf d'Linn den 1. Juni 2015 agefouert an ass deemools um Trajet P+R Bouillon (Hollerech) - Kierchbierg - Ueweraanwen an der Woch (vu méindes bis samschdes) all 20 Minutten a sonndes all Stonn gefuer.

Fir net parallel mam Tram iwwer d'Avenue John F. Kennedy ze fueren, gouf den Trajet um Kierchbierg de den 10. Dezember 2017 liicht geännert. Se ass vun deem Dag un iwwer de Boulevard Konrad Adenauer an duerno laanscht d'Spidol um Kierchbierg gefuer.

Duerch eng Kooperatioun tëscht der Stad Lëtzebuerg an dem Staat ass d'Linn 125 um Gebitt vun der Stad Lëtzebuerg - d. h. tëscht dem P+R Bouillon an der Halt Hôpital Kirchberg um Kierchbierg - um selwechten Trajet wéi d'AVL-Linn 1 gefuer. D'Fuerpläng vun den zwou Linne waren esou versat, datt um gemeinsamen Trajet wiertes all 10 Minutten, samschdes all 20 a sonndes all 30 Minutten a Bus zirkuléiert ass. D'Busse vun dëser sougenannter „Kombilinn“ hunn dowéinst dann och déi zwou Linnennummeren 1/125 ugewisen.

Kuckt och

• Lëscht vun den RGTR-Buslinnen

Um Spaweck

Commons: Ligne 321 (RGTR) – Biller, Videoen oder Audiodateien