Rue du Fort-Wallis

D'Rue du Fort Wallis ass eng Strooss am Garer Quartier vun der Stad Lëtzebuerg. Se leeft vum Boulevard d'Avranches aus no Süde bis bei d'Rue Bender (am Osten) an d'Bouneweger Strooss (am Westen).

Rue du Fort Wallis

Numm	fr: Rue du Fort Wallis
Fréieren Numm	fr: bis 1945: Rue Wallis
Längt	ca. 160 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Gare
Postcode	2214
Koordinaten	49° 36’ 14.5’’ N       06° 08’ 04.7’’ O

An der Verlängerung vun der Wallis-Strooss ass eng dräieckeg Plaz, d'Place Wallis.

Geschicht

Wéi no 1867 d'Festung geschleeft gouf, ass d'Strooss op engem ale Festungswierk um Gebitt vum Verluerekascht ugeluecht ginn.

Den Numm vun der Strooss geet zeréck op de Fort Wallis deen am Ufank just als Reduit an duerno (1830) a senger endgülteger Form gebaut gouf, ier en dunn 1867 bei der Schleefung ofgerappt gouf. De Fort gouf sengersäits nom Franz-Paul von Wallis (1677-1737) genannt, dee vu 1727 bis 1734 ënner éisträichescher Herrschaft, Gouverneur vu Lëtzebuerg war.

D'Strooss, déi am Ufank (vun 1889 un) Rue Wallis geheescht huet, krut 1945 hiren haitegen Numm (Rue du Fort Wallis); d'Plaz heescht awer weiderhi just Place Wallis (ouni „Fort“ am Odonym).

Gebaier

• Mathis Prost Gebai

Biller

• 
  Op der Wallis-Plaz
• 
  Vue an d'Wallis-Strooss
• 
  D'Mathis Prost Gebai am Ëmbau an der Wallis-Strooss
• 
  Agang Fort Wallis

Kuckt och

• Granit-Stäiler op der Wallisplaz

Um Spaweck

Commons: Rue du Fort-Wallis – Biller, Videoen oder Audiodateien