Haaptmenü opmaachen

De Pierre Laval, gebuer de 26. Juni 1883 zu Châteldon a gestuerwen de 15. Oktober 1945 zu Fresnes, war e franséische Politiker.

Pierre Laval
Pierre Laval a Meurisse 1931.jpg
Gebuer 28. Juni 1883
Châteldon
Gestuerwen 15. Oktober 1945
Fresnes
Doudesursaach Erschéissen
Nationalitéit Frankräich
Aktivitéit Politiker, Affekot
Partei SFIO
Wikidata-logo-without-paddings.svg

De Pierre Laval war vu Beruff Affekot an zanter 1914 Member vum franséische Parlament. Vun 1925 hat hie verschidde Ministerposten an de Regierunge vun der Lénkser, der Rietser an der Mëtt. Hie war och zweemol President vum Conseil des ministres français.

1936 huet hie wéinst innepolitesche Schwieregkeete missen zrécktrieden, hie koum awer 1940 no dem Zesummebroch an der Besetzung vu Frankräich als Vizepresident vun der "Vichy"-Regierung nees un d'Muecht. D'Parlament huet awer de Philippe Pétain als Regierungschef ernannt, deen de Pierre Laval Enn 1940 falegelooss huet.

Op Drock vum Adolf Hitler gouf de Pierre Laval nees Chef vun der Regierung an huet mat den däitsche Besatzer zesummegeschafft. Hien huet weder eppes géint d'Juddeverfolgung nach géint aner Gewalttätegkeeten ënnerholl.

Um Enn vum Zweete Weltkrich ass hien d'éischt vun den Nazië mat an Däitschland geholl ginn, vu wou hien a Spuenie geflücht ass. No senger Verhaftung zu Barcelona gouf hien de franséischen Autoritéiten ausgeliwwert a wéinst Héichverrot zum Doud veruerteelt, an am Prisong vu Fresnes duerch Erschéissung higeriicht.

LiteraturÄnneren

  • Renaud Meltz, Pierre Laval - Un mythe français; Paräis (Perrin), 2018; 1200 Säiten.

Um SpaweckÄnneren

Commons: Pierre Laval – Biller, Videoen oder Audiodateien