Philippeville
belsch Gemeng
Philippeville (op Wallounesch Flipveye) ass eng belsch Stad an der Provënz Namouer a Wallounien. Se läit um nërdleche Bord vun der natierlecher Géigend Fagne a gëtt och als Haaptstad dervun ugesinn.
| Philippeville | |
|---|---|
 | |
 D'Place d'armes | |
| Land | Belsch |
| Regioun |
 Wallounien |
| Communautéit |
Franséisch Communautéit |
| Provënz |
 Provënz Namouer |
| Arrondissement | Philippeville |
| Awunner | 9.228 (1. Januar 2018) |
| Fläch | 156,71 km² |
| Koordinaten | 50°11'46"N, 4°32'35"O |
| Telefonszon | 071 |
| Postcode | 5600 |
| Websäit | https://www.philippeville.be |
 | |
Geographie änneren
Philippeville ass eng fréier Festungsstad a läit op engem Plateau op 300 m Héicht, vu wou aus se déi ganz Ëmgéigend konnt iwwerwaachen. En ettlech Baachen hunn hir Quell an der Gemeng déi op der Waasserscheed tëscht der Meuse an der Sambre läit. All d'Baachen déi am Süde vun der Gemeng entsprangen, lafen an den Hermeton a mat deem weider direkt an d'Meuse. Déi nërdlech Baache lafen an d'Eau d'Yves an dann iwwer d'Eau d'Heure an d'Sambre.
D'Stad ass un de Schinneverkéier iwwer d'Gare Philippeville op der Streck Charleroi-Couvin ugeschloss.