Ody Roos

Den Ody Roos, gebuer den 30. Mee 1944 zu Mamer, ass e lëtzebuergesche Filmregisseur a Filmproduzent.

Ody Roos
Gebuer	30. Mee 1944 Mamer
Nationalitéit	Lëtzebuerg
Aktivitéit	Filmregisseur, Filmproduzent

Hien huet säi Secondairestudium am Kolléisch an der Stad gemaach. Do war hie Matgrënner vum Ciné-Club 65.

Den Ody Roos huet Droit studéiert, donieft huet en och um Institut des Hautes Études Cinématographiques (IDHEC) zu Paräis an der Sektioun Regie studéiert.

No Amateurkuerzfilmer huet en 1968 Fouss am Film gefaasst. Mat sengem Film Pano ne passera pas, iwwer d'Evenementer vum Mee 1968 zu Paräis, huet hie vill Luef bei de Kritiker krut.

Mat senger Filmproduktiounsfirma Filmodie huet hien eng ganz Partie Filmer a Frankräich produzéiert.

2011 huet hien de Jury vum UNICA Festival am Kapuzinertheater an der Stad presidéiert.

Filmer als Regisseur

• Point mort (1984)
• Les enfants de nulle part (1976) (Kuerzfilm)
• Les bulles du cardinal (1968) (Kuerzfilm)
• Pano ne passera pas (1968)

Filmer als Produzent

• El Ayel (2005)
• Schacko Klak (1991)
• Les récits de la nuit (1981)
• Eclipse sur un ancien chemin vers Compostelle (1978)
• Lamento (1977)
• L'Eden-Palace (1977)

Kuckt och

• Lëscht vu lëtzebuergesche Filmregisseuren

Um Spaweck

• Den Ody Roos op der IMDb
• Säi Curriculum op unica-web.com