Nieweschilddrüs

D'Nieweschilddrüsen (lat. glandulae parathyroideae) si kleng endokrinn Drüsen am Hals vun de Landwierbeldéieren.

D'Nieweschilddrüse (rout) an hir Lag am mënschleche Kierper. Den Tüb ënnen ass den Oesophage.

De Mënsch huet an der Reegel véier Nieweschilddrüsen, déi op der Récksäit vun der Schilddrüs op ënnerschiddleche Plaze leien. Si sinn am Normalzoustand ongeféier esou grouss wéi eng Ierbes. Si produzéieren a sënneren als Reaktioun op en niddrege Kalziumspiggel am Blutt en Hormon (d'Parathormon) of, dat eng wichteg Roll an der Regulatioun vum Kalziumspiggel am Blutt an an de Schanke spillt.

Eng Entzündung vun der Nieweschilddrüs gëtt Parathyreoiditis genannt.

Kuckt och

• Hormonsystem

Commons: Nieweschilddrüsen – Biller, Videoen oder Audiodateien