Neierbuerg

Neuerburg
*lb: Neierbuerg*
Neuerburg ; lb: Neierbuerg
Aussprooch
Land	Däitschland
Bundesland	Rheinland-Pfalz
Krees	Béibreg-Prüm
Verbandsgemeng	Neierbuerg
Awunner	1.560 (31. Dezember 2023)
Fläch	10,23 km²
Héicht	330 m
Koordinaten	50° 00’ 35.44’’ N; 06° 17’ 38.59’’ O
Telefonszon	06564
Postcode	54673
Websäit	https://www.neuerburg-eifel.de/

D'Stad Neuerburg (lb: Neierbuerg) ass eng Stad a Gemeng mat 1.600 Awunner, déi am Äifelkrees Béibreg-Prüm a Rheinland-Pfalz (Däitschland) läit. Si ass 30 km vun der "Béierstad" Béibreg ewech a läit 60 km nërdlech vun Tréier. D'Stad ass Member vun Islek ohne Grenzen EWIV

Stadbild

D'Parhaus a säin Tuerm

Eng Uertschaft an der Äifel, ofgeleeën a kaum bekannt. Do, wou d'Enzbaach duerch de Schiferfiels fléisst, läit Neierbuerg. Verwénkelt Haiser ginn der Stad e besonnesche Cachet. Iwwer engem géie Fiels trount déi 500 Joer al spéit gotesch Niklos-Parkierch. Méi héich steet de Buergfrid, déi fréier Vogtei, an deem haut d'Parhaus ass. Op engem méi héije Fielsbockel steet iwwer dem Dall d'Buerg vun Neierbuerg. Et ass interessant ze wëssen, datt de Friedrech, Här vu Branebuerg, (Lëtzebuerg), der Stad a sengen Awunner 1332 d'Fräiheetsrechter ginn huet. D'Awunner waren domat fräi Stadbierger, am Géigesaz zu de Baueren an aneren Uertschaften, déi vun him ofhoungen.

Kuckeswäertes

D'Buerg Neierbuerg, zanter 1926 eng Jugendherberg;
D'Nikloskierch;
D'Eligiuskapell aus dem Joer 1437 an den Elegiusbur;
Den Zinnenplatz wou als Erënnerung un de Jean-Antoine Zinnen e Gedenkstee steet;
D'Schwaarzbildchen, eng 46 cm grouss Holzfigur, gestëft vum Kuno vu Falkesteen;
D'Peschtkräiz erënnert un déi lescht Seuch am Joer 1636;
De Maartbur, eng Bronze-Skulptur vum Oochener Kënschtler Bonifacius Stirnberg.

Literatur

Palzkill, Leonhard, 2006. Wanderungen im deutsch-luxemburgischen Grenzraum. Neuerburg, 2006.
Stadt Neuerburg (Hrsg.), 1983. Neuerburg, 650 Jahre Stadt.
Theis, Hans, 1955. Stadtbefestigung des mittelalterlichen Neuerburg.