Neipuertskapell

D'Neipuertskapell war eng Kapell um Glacis an der Stad Lëtzebuerg. Si stoung um Eck vum Nikloskierfecht, op der Kräizung vun der Avenue de la Faïencerie mat der Allée des Résistants et des Déportés.

Neipuertskapell

Eng populär Duerstellung vun der Neipuertskapell vu 1781

Uertschaft / Plaz

Lampertsbierg

Baujoer

1625 - 1627

Ofgerappt

1796

Koordinaten

49° 36’ 58.6’’ N
06° 07’ 17.5’’ O

Kierchen - Kapellen

D'Neipuertskapell gouf tëscht 1625 an 1627 gebaut. 1640 gouf se vergréissert an 1642 nei ageweit. An der Kapell stoung eng Statu vun der Tréischterin am Leed bei déi all Joer Dausende vu Gleeweger gepilgert sinn (1640 sollen et der 12.000 gewiescht sinn).^[1].

An der Zäit vun der Franséischer Revolutioun gouf de Mobiliar versteet a 1796 gouf d'Kapell ofgerappt. D'Statu vun der Tréischterin am Leed gouf an der Kathedral an der Ënneschtgaass opgestallt, wou se haut nach ze gesinn ass.

Ausgruewungen 2016

Ufank Abrëll 2016 huet den Abbé Georges Hellinghausen bei Stroossenaarbechten um Trajet vum zukënftegen Tram d'Iwwerreschter vun der Kapell fonnt. D'Aarbechte goufe gestoppt fir déi Iwwerreschter z'erfuerschen an ze dokumentéieren.^[1]

Am Laf vun den Aarbechte goufen op 1,5 m Déift laanscht der Kierfechtsmauer och stierflech Iwwerreschter vu Mënsche fonnt.^[2]

D'Klëppelkrichmonument dat nieft der Plaz vun den Ausgruewunge stoung gouf virum Ufank vun de Stroossenaarbechten ewechgeholl.

De 6. September 2018 goufen déi archeologesch Iwwerreschter vun der Kapell, sou wéi och d'Kierfechtsmauer mam Entréesportal a Pavillon, op den Zousazinventaire vun de klasséierte Monumenter agedroen.^[3]

Vun 2018 un, wéi den Tram bis op d'Stäreplaz fiert, sinn och d'Ëmrësser vun der Neipuertskapell am Buedem ze gesinn an eng nei Plack erënnert un déi fréier Neipuertskapell.

Erënnerungsplack un d'Neipuertskapell beim Agank vum Nikloskierfecht. Déi Plack gouf am Kader vun den Tramsaarbechten ewechgeholl.
D'Plaz virun den Ausgruewungen. Riets d'Avenue de la Faïencerie.
Ausgruewungen am Abrëll 2016. Hannen am Bild: De Klenge Glacis.
Eng nei Plack gouf 2018 an de Buedem niewent d'Tramsschinnen ageluecht, déi op d'Neipuertskapell verweisen, déi hei stoung.
D'Ëmrësser vun der fréierer Neipuertskapell sinn am Buedem ageluecht a sou siichtbar gemaach.

Literatur

Colling, C. & F. Le Brun, 2018. La petite chapelle oubliée. Notre-Dame du Glacis dévoile ses secrets. Die Warte 2|2566 vum 11. Januar 2018, S. 5-7.
Faltz, Michel: Heimatstätte U.L. Frau von Luxemburg - einst und jetzt, 1920, Luxemburg, 172 S.
Held L.: Maria, die Mutter Jesu, die Trösterin der Betrübten in ihrem Gnadenbild zu Luxemburg u. Kevelaer; ill. M. Engels; 1895, St. Paulus-Gesellschaft, Lëtzebuerg; 64 Säiten. Imprimatur: Luxemburgi, hac 14. Aprilis 1895. Joannes Josephus, Ep. Luxembourg

Kuckt och

Um Spaweck

Commons: Neipuertskapell – Biller, Videoen oder Audiodateien

Georges Hellinghausen, "Die alte Glacis-Kapelle, ein mythologischer Ort - Erzbischof Jean-Claude Hollerich besichtigte die Fundamente der alten Kapelle." op cathol.lu.

Referenzen an Notten

↑ ^1,0 ^1,1 Überreste der ehemaligen Glaciskapelle entdeckt. LW vum 5. Abrëll 2016, S. 21."
↑ "Neipuertskapell" stoppt Tram." Luxemburger Wort, 6. Mee 2016, S.23
↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 26. November 2024).

[LW_5/4/2016-1] 1,0 ^1,1 Überreste der ehemaligen Glaciskapelle entdeckt. LW vum 5. Abrëll 2016, S. 21."

[2] "Neipuertskapell" stoppt Tram." Luxemburger Wort, 6. Mee 2016, S.23

[3] Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 26. November 2024).

[1]

[2]

[3]