Näerdener Baach

D'Näerdener Baach, vun den Näerdener och nach Wobech genannt, ass eng kleng Baach an de Gemenge Biekerech a Réiden op der Atert.

Näerdener Baach

D'Näerdenerbaach vum Flouer Eech aus gesinn. Am Hannergrond Näerden, Enn Mäerz 2013
Längt	3,19 km
Originn
Originn	Zesummelaf
Plaz	Hitten
Héicht	275 m
Koordinaten	49° 44’ 11.0’’ N       05° 54’ 27.3’’ O
Konfluenz
Leeft an	Pall
Plaz	Nidderpallen
Héicht	263 m
Koordinaten	49° 45’ 14.6’’ N       05° 54’ 49.9’’ O
Geographie
Land	Lëtzebuerg
Regioun	Guttland
Uertschaften	Hitten Näerden Nidderpallen

Si entsteet aus der Mollbaach an der Millebaach, déi just hanner Hitten op enger Héicht vun 275 m zesummelafen. Si leeft dann no Osten fir op Näerden ze kommen, wou se virum Duerf no Norden dréit, leeft dann duerch d'Duerf an ënner der N 24 erduerch, fir dann no ongeféier 1.700 m bei Nidderpallen, op enger Héicht vun 263 m, an d'Pall ze lafen.

Et ass e rietsen Niewefloss vun der Pall an huet selwer zwou kleng Baachen ouni Numm, déi hanner Näerden dra lafen; eng riets, déi vum Flouer Geespeltchen kënnt, an eng lénks, déi tëscht Biekerech a Réiden op der Atert op Kréber entspréngt.

De 25. Februar 2023 gouf d'Näerdener Baach duerch Piff verknascht, deen aus engem Rouer vun der Biogasanlag zu Huewel ausgelaf ass. Dernieft waren och d'Millebaach an d'Pall betraff.

Schonn am November 2021 gouf et eng éischt Fuite an dëser Biogasanlag. D'Auswierkungen op d'Baache waren déi Kéier awer bei Wäitem manner schro..

Biller

• 
  D'Baach vun der Bréck op der Vëlospist PC17 tëscht Näerden an Nidderpallen aus gesinn, Januar 2013
• 
  D'Näerdener Baach nieft der Schoul zu Näerden, Abrëll 2013
• 
  D'Näerdener Baach beim Flouer op Popelt, Enn Mäerz 2013

Um Spaweck

Commons: Näerdener Baach – Biller, Videoen oder Audiodateien