My Chemical Romance
 |
De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
My Chemical Romance
| |
|---|---|
 My Chemical Romance (2011) | |
| Grënnung: | 2001 |
| Trennung: | 2013 |
| Genre: | Alternative Rock, Post-Hardcore |
| Websäit: | mychemicalromance.com |
| Memberen | |
| Gesank: | Gerard Way |
| Gittar & Gesank: | Ray Toro |
| Bassgittar: | Mikey Way |
| Gittar & Gesank: | Frank Iero (2002-13) |
| Keyboard, Perkussioun: | James Dewees (2012-13) |
| Batterie, Perkussioun: | Matt Pelissier (2001-04) |
| Batterie, Perkussioun: | Bob Bryar (2004-10) |
My Chemical Romance war eng Rockband aus New Jersey. Den Numm „My Chemical Romance“ kënnt aus dem Roman Ecstasy vum Irvine Welsh. Hire Stil gëtt dacks als Alternative Rock oder Post-Hardcore bezeechent.
Bandgeschicht
ännerenGrënnung
ännerenGegrënnt gouf My Chemical Romance 2001 vum Gerard Way an dem Ex-Drummer Matt Pelissier, déi zesumme mam Mikey Way an dem Ray Toro d'Éischtbesetzung gebilt hunn.
Am Joer 2002 koum de Gittarist Frank Iero dobäi, well ee séier gemierkt huet, datt en zweete Gittarist nieft dem Ray gebraucht gëtt. De Frank huet zanter sengem eelefte Liewensjoer an enger Abberzuel Bands gespillt. Nëmmen e puer Deeg éier hie bei My Chemical Romance Member ginn ass, huet sech seng Band Pencey Prep, wou hie Sänger a Gittarist war, opgeléist.
I Brought You My Bullets You Brought Me Your Love
ännerenD'Debutalbum I Brought You My Bullets You Brought Me Your Love gouf nënne dräi Méint no der Grënnung vun der Band bannent zwou Wochen agespillt a beim Plackelabel Eyeball Records verëffentlecht. D'Plack gouf als ee vun den erfollegräichsten Emoalbume vum Joer 2002 gefeiert. D'Singelen aus dësem Album waren Honey, This Mirror Isn't Big Enough for the Two of Us, Vampires Will Never Hurt You an Headfirst for Halos.
2003 gouf e Contract bei Reprise Records ënnerschriwwen a My Chemical Romance si duerch Amerika a Japan getourt. Wärend dëser Zäit gouf schonn un engem zweeten Album geschafft. Opgrond vum Gerard senge massiven Alkohol- a Drogeproblemer, huet ee seriö iwwer en Tourofbroch nogeduecht. Nodeem se d'Tour hanner sech haten, gouf decidéiert, sech vum Matt Pelissier ze trennen a hien duerch de Bob Bryar z'ersetzen. De Bob war virdru Soundtechniker bei The Used.
Three Cheers for Sweet Revenge
änneren2004 koum den Album Three Cheers for Sweet Revenge eraus, dat vum Starproduzent Howard Besons produzéiert gouf. Mat dësem Album koum de weltwäiten Erfolleg, haut schwätzt ee vun der My Chemical Romance Explosion. Déi gréisst Musekszeitunge vun iwwerall op der Äerd hu sech em se gerappt, Dausende vu T-Shirten a verschidden aner Merchandise goufen iwwer all op der Welt verkaaft a fir déi éischt Kéier gouf ee vun hiren Optrëtter bei MTV: TRL Live iwwerdroen, wou se mat enger Police-Eskort hu missen higefouert ginn, fir duerch d'Fans duerchzekommen.
Three Cheers for Sweet Revenge huet sech eleng an der éischter Woch an den USA iwwer 11.000-mol verkaaft an huet mëttlerweil Platinstatus erreecht. Mä den Erfolleg koum ze séier, besonnesch de Gerard huet sech iwwerrannt gefillt an huet sech nees a seng Drogesucht geflücht, déi hie bis bal an de Suicide gedriwwen huet. Wéi alles no enger Eskalatioun ausgesinn huet, huet hie mam Bandmanager geschwat, deen hien dovun iwwerzeege konnt, eng Therapie ze maachen. Mat Erfolleg.
Ufank 2005 huet My Chemical Romance Green Day op hirer American Idiot-Tour als Virband begleet a sinn kuerz duerno selwer op grouss Welttournee gaangen.
The Black Parade
ännerenDen 10. Abrëll 2006 gouf mat den Opnamen ugefaangen a genee zwee Joer no Three Cheers For Sweet Revenge kënnt elo The Black Parade eraus, e Konzeptalbum zum Theema Doud, ënner anerem duerch Kriibs. D'Single Welcome to the Black Parade ass déi mat Ofstand erfollegräichste Single vun der Band an ass an den UK-Charts no der zweeter Woch op Plaz 1. En Highlight op The Black Parade ass den Titel Mama, bei deem d'Musicallegend Liza Minnelli op Wonsch vun der Band d'Gaaschtvocals iwwerholl huet.
Aflëss
ännerenDe gréisste musekaleschen Afloss hat um Ufank The Misfits, Morrissey, The Smiths an Iron Maiden op d'Entwécklung vun der Band. An der Tëschenzäit hu se hiren eegene Stil fonnt, dee gewëssermoossen aus enger Mëschung aus Comic, Horro a Fantasy besteet, wat sech an de Songtexter, Musekvideoen an op den CD-Coveren erëmspigelt. D'Covere si bal alleguer selwer vum Sänger Gerard Way, dee bei der Grënnung vun der Band als professionelle Comiczeechner geschafft huet.
My Chemical Romance zu Lëtzebuerg
änneren- 7. November 2007, am Atelier an der Stad
Discographie
ännerenStudiosalbumen
änneren| Joer | Titel | Chartclassement[1] | ||||
|---|---|---|---|---|---|---|
| DE | AT | CH | UK | US | ||
| 2002 | I Brought You My Bullets, You Brought Me Your Love |
— | — | — | — | — |
| 2004 | Three Cheers for Sweet Revenge | 57 (3 Wo.) |
73 (1 Wo.) |
— | 34 (40 Wo.) |
28 (77 Wo.) |
| 2006 | The Black Parade | 11 (14 Wo.) |
4 (20 Wo.) |
18 (6 Wo.) |
2 (59 Wo.) | 2 (80 Wo.) |
| 2010 | Danger Days: The True Lives of the Fabulous Killjoys | 18 (5 Wo.) |
15 (4 Wo.) |
25 (3 Wo.) |
14 (25 Wo.) |
8 (15 Wo.) |
Livealbumen
änneren| Joer | Titel | Chartclassement[1] | ||||
|---|---|---|---|---|---|---|
| DE | AT | CH | UK | US | ||
| 2006 | Life on the Murder Scene | — | — | — | 53 (2 Wo.) |
30 (4 Wo.) |
| 2008 | The Black Parade Is Dead! | 51 (1 Wo.) |
24 (3 Wo.) |
— | 12 (4 Wo.) |
22 (3 Wo.) |
Kompilatiounen
änneren| Joer | Titel | Chartclassement[1] | ||||
|---|---|---|---|---|---|---|
| DE | AT | CH | UK | US | ||
| 2012 | Conventional Weapons | — | — | — | — | — |
| 2014 | May Death Never Stop You | 66 (1 Wo.) |
— | — | 15 (4 Wo.) |
9 (5 Wo.) |
| 2016 | The Black Parade/Living with Ghosts | — | — | — | — | — |
EPen
änneren- 2002: Like Phantoms, Forever
- 2005: Warped Tour Bootleg Series
- 2007: Live and Rare
- 2009: The Black Parade: The B-Sides
- 2010: The Mad Gear and Missile Kid
- 2011: iTunes Festival: London 2011
Um Spaweck
änneren- Offiziell Websäit (englesch)
| Commons: My Chemical Romance – Biller, Videoen oder Audiodateien |
