Mu (Rakéit)

Mu resp. M oder Myū (nom 12. griichesche Buschtaf μ) bezeechent eng Serie vu japaneschen Drorakéiten. All d'Rakéite vun der Serie hu mat festen Dreifstoffer funktionéiert goufe vum Uchinoura Space Center aus gestart. Se waren d'Fortsetzung vun der japanescher Entwécklungslinn fir Feststoffrakéite vum ISAS fir wëssenschaftlech Notzlaschten. D'Virleefer goufen och mat griichesche Buschtawe bezeechent.

Fréier japanesch Drorakéite vun der M-Serie

1966 gouf mat der M-1 déi éischt Rakéit vun der Serie op engem suborbitalen Fluch getest. Déi follgend Rakéitentyppe bis M-V faasst een als M-3 zesummen: 1969 war e suborbitale Start vun M-3D. 1971 (no engem Feelschlag 1970) gouf de 16. Februar mat der véierstufeger M-4S de japanesche Satellit Tansei 1 gestart, weider Starte gouf et bis 1972. Mat dem dräistufegen Nofollger M-3C goufe vun 1974 bis 1979 dräi Satellitten erfollegräich gestart. Déi nächst Generatioun war M-3H, déi Rakéit war vun 1977 bis 1978 am Asaz. Den Nofollger d'M-3S war vun 1980 bis 1984 am Asaz. An de Jore vun 1985 bis 1995 war d'M-3S2 un der Rei.

**Variante vun der Drorakéit MU**^[1]^,^[2]
	Mu-4S	Mu-3C	Mu-3H	Mu-3S	Mu-3SII	Mu-V
Startzäitraum	1970-1972	1974-1979	1977-1978	1980-1984	1985-1993	1997-2006
Notzlascht LEO	180 kg	195 kg	270 kg	290 kg	770 kg	1900 kg
"Startmass	43,5 Tonnen	41,6 t.	48,7 t.	49,5 t.	61,7 t.	140 t.
Opbau	4 Stufe + 8 Booster	3 Stufe + 8 Booster	4 Stufe + 8 Booster	3 Stufe + 8 Booster	4 Stufe + 2 Booster	3 Stufen oder 4 Stufen
Starts Mësserfolleg	4 Starten 1 Feelstart	4 Starten 1 Feelstart	3	4	8 Starten 1 Feelstart	7 Starten 1 Feelstart
Besonnesches	Beschränkt Steierbarkeet	Duerchmiesser vergréissert, 2. an 3. Stuf nei	erweidert ëm 4. Stuf a Verlängerung vun der 1. Stuf	Kleng Ännerungen	Neie Booster, 4. Stuf	Rakéit komplett nei, 4. Stuf optionell

M-V

D'M-V gëtt zanter 1997 gebraucht. Bis elo gouf et zwéi Starten (dovun een erfollegräich) mat der dräistufeger M-V an dräi Starte mat der véierstufeger M-V KM. D'maximal Notzlascht ass 1800 kg an engen 30° - Orbit an 200 km Héicht resp. 1300 kg an engem polaren Orbit an 200 km Héicht fir M-V, 1800 kg an engen 30° - Orbit a 400 km Héicht fir M-V KM (?). D'ganz Mass vun der M-V ass 137.500 kg, déi vun der M-V KM 139.000 kg. Zanter 2003 gëtt eng verbessert M-V Rakéit agesat, déi sech duerch eng nei zweet Stuf vum Ufanksmodell ënnerscheet.

De 26. Juli 2006 hat d'JAXA bekannt ginn, datt d'M-V nom SOLAR-B-Start net méi géif benotzt ginn. Den neien Drorakéitentyp ass eng Mëschung, deen op M-V-Technologien an op der H-IIA baséiert. Den éischte Start vun der neier Drorakéit Epsilon war fir 2010 ugesot, ass awer ëmmer nach am Entwécklungsstadium.^[3]^,^[4]