Meta Brahms

Ënnert dem Numm Meta Brahms war e Gebai an der Groussgaass, um Eck mat der Neipuertsgaass bekannt. D'Gebai besteet haut nach, den Numm ass awer aus dem Sproochgebrauch verschwonnen.

Meta Brahms

Fréiert Gebai Meta-Bahms no der Renovatioun vun 2019/20 (2021)
Land	Lëtzebuerg
Plaz	Uewerstad
Adress	Eck Groussgaass/Neipuertsgaass
Koordinaten	49° 36’ 44’’ N       06° 07’ 41.1’’ O
Baustil	Modernismus
Architekt(en)	Nicolas Schmit
Datum vum Bau	1932 - 1934

Historesches

D'Gebai gouf tëscht 1932 an 1934 no de Pläng vum Architekt Nicolas Schmit (1899-1964) gebaut. Zur selwechter Zäit goufen an der Groussgaass nach dräi aner Gebaier modernistesch Geschäftshaiser (Jenny Grünstein, À la Bourse a Berg) opgeriicht.

Zur Zäit wéi d'Gebai gebaut gouf, hate sech zwou Firmen, Paul Wurth S.A. an d'ARBED drop spezialiséiert fir Gebaier mat enger Stolcharpente opzeriichten.

Fir d'Geschäftsleit war d'Bauweis intressant, well d'Bauzäit relativ kuerz konnt gehale ginn a si doduerch éischter vun hire Geschäftslokaler profitéiere konnten.

Gebai

Renovatioun vum Gebai (Juli 2019)

D'Gebai huet 4 Stäck; et huet op der ganzer Längt grouss Fënsteren duerch déi vill Luucht era fléisst. D'Fassad war ursprénglech mat Travertin agekleet.

Den Iwwerdaach um Rez-de-chaussée sollt et sengerzäit schonn erlabe fir bei all Wieder d'Butteksfënsteren ze kucken. Wéi et opgoung war um Rez-de-chaussée d'Hutt- a Moudegeschäft Meta-Brahms dran. Méi spéit^[Wéini ?] koum eng lëtzebuergesch Bijouterie an d'Gebai, bis se 2017 zougemaach huet. 2019/20 gouf d'Gebai renovéiert an duerno koum e Buttek mat Luxusaueren dran.

Literatur

• Christian Aschman, Joanna Grodecki, Robert L. Philippart, 2013. Lëtzebuerg moderne: Liebeserklärung an die Hauptstadt. Édition Maison Moderne, S. 38-39. ISBN 978-99959-33-07-4. [1]
• Isabelle Yegles-Becker, Am Gängelband der Damenmode, Ons Stad Nr 86/2007 S. 58-60 (PDF)
• Guy Thewes, Eine architektonische Zeitreise durch die Groussgaass, Ons Stad Nr 86/2007 S. 43-45 (PDF)

Um Spaweck

Commons: Meta Brahms – Biller, Videoen oder Audiodateien