McDonnell Douglas MD-80

D'McDonnell Douglas MD-80 ass een zweestralege Fliger vum US-amerikanesche Fligerbauer McDonnell Douglas. D'MD-80 gouf 1.191-mol gebaut an ass domat deen erfollegräichste Fliger vu McDonnell Douglas.

McDonnell Douglas MD-82 vun der SAS Scandinavian Airlines

Geschicht

An den 1970er Joren huet den US-amerikanesche Fligerhiersteller Douglas Aircraft Company eng gestreckt Versioun vun der Douglas DC-10 geplangt. No der Fusioun mat der McDonnell Aircraft Corporation goufen déi Pläng a Form vun der MD-80 verwierklecht. 1980 goufen déi éischt Maschinne vun der Versioun MD-81 un d'Swissair an d'Austrian Airlines ausgeliwwert.

Nodeem Boeing mat der 737-300 en änleche Fliger op de Maart bruecht huet dee méi effizient war, koum kuerz duerno d'MD-87 eraus. E puer Joer drop huet Airbus mam A320 ee weidere Konkurrent fir d'MD-80 op de Maart bruecht. Trotz där Konkurrenz konnt d'MD-80 awer gutt mathalen a gouf bis 1999 produzéiert.

Den Nofollger MD-90 konnt net un den Erfolleg vun der MD-80 uknëppen.

Versiounen

• MD-81: Grondversioun vun der MD-80 mat Plaz fir 172 Passagéier
• MD-82/-88: méi schwéier Versioun mat méi grousser Reechwäit
• MD-83: nach emol méi schwéier wéi d'MD-82, méi modernen Ekipement
• MD-87: ëm 4,50m gekierzt Versioun mat Plaz fir 139 Passagéier

Technesch Daten

Kenngréisst	MD-81	MD-82/-88	MD-83	MD-87
Längt	45,10 m			39,70 m
Spanwäit	32,80 m
Héicht	9,05 m			9,30 m
Fligelfläch	92.97 m²
Maximaalt Startgewiicht	63.503 kg	67.812 kg	72.575 kg	63.503 kg 67.813 kg1
Reesvitess	Mach 0.76 zirka 811 km/h
Passagéier (2 Klassen)	155	152	155	130
Passagéier (1 Klasse)	172			139
max. Reechwäit	2.897 km	3.798 km	4.635 km	4.395 km (5.428 km)4
Fluchhéicht	11.277 m
Motor	2 P&W JT8D-209 à 82 kN	2 P&W JT8D-217A/C à 89 kN	2 P&W JT8D-219 à 93,4 kN	2 P&W JT8D-217C à 89 kN
Éischt Ausliwwerung	13. September 1980 un Swissair	5. August 1981 un Republic Airlines2 19. Dezember 1987 un Delta Air Lines3	20. Februar 1985 un Alaska Airlines	1. November 1987 un Finnair
Lescht Ausliwwerung	24. Juni 1994 un JAL	17. November 1997 un U-Land Airlines2 25. Juni 1997 un Onur Air3	21. Dezember 1999 un TWA	23. Mäerz 1992 un SAS
Total produzéiert	132	5692 1503	265	75
1 Versioun mat méi groussem Startgewiicht 2 MD-82 3 MD-88 4 méi grouss Reechwäit an der ER-Versioun (Extended Range) mat zousätzlechen Tanken

Um Spaweck

Commons: McDonnell Douglas MD-80 – Biller, Videoen oder Audiodateien

• MD-80 op der Boeing-Websäit
• Informatiounen iwwer d'MD-80