Airbus

Airbus ass eng Duechtergesellschaft vun der EADS an de gréissten europäesche Fligerhiersteller. Nieft der amerikanescher Firma Boeing gehéiert si weltwäit zu de gréisste Fligerhiersteller. Airbus, déi hire Sëtz zu Toulouse a Frankräich hunn, beschäftegt aktuell ëm 57.000 Mataarbechter a Spuenien, England, Däitschland an a Frankräich.

Logo vun Airbus

Geschicht

Grënnung

Airbus gouf en 18. Dezember 1970 mat der Fusioun vun der franséischer Firma Aérospatiale an der Firma Deutsche Airbus gegrënnt. Nodeem déi däitsch Fligerhiersteller MBB (Fusioun tëscht Messerschmitt, Bölkow an HFB), Dornier an Fokker-Vereinigte Flugtechnische Werke (Fokker-VFW) agesinn hunn datt si eleng net géint Boeing a McDonnell Douglas kéinten ukommen, hu si sech zu engem Konsortium, der Deutsche Airbus, zesumme geschloss. A Frankräich hunn d'Fligerhiersteller Sud-Aviation, Nord-Aviation a SEREB zu Aérospatiale fusionéiert. 1971 koum déi spuenesch Firma CASA an 1979 d'British Aerospace derbäi.

Wichteg Fligere vun Airbus

En A320-200

Den 28. Oktober 1972 flitt fir déi éischt Kéier een Airbus A300.
1982: éischte Fluch vum Airbus A310
1988: éischte Fluch vum Airbus A320, aktuell dee Fliger deen am meeschte gebaut gouf
1992: déi éischt Groussraumfligere vun Airbus, den Airbus A330 an den Airbus A340 lafe vum Band
De 27. Abrëll 2005 huet den Airbus A380, dee gréisste Fliger vun der Welt, säi Jungfernfluch.

Airbus-Fligeren

Zivil Fligeren

Iwwersiicht (Stand: 30. Juni 2009)
Modell	Bestellungen	Ausliwwerungen	Am Déngscht	Éischt Ausliwwerung	Produktiounsenn
Airbus A300	561	561	404	Mee 1974	Juli 2007
Airbus A310	255	255	214	Dezember 1985	Juli 2007
Airbus A318	83	68	67	Oktober 2003	-
Airbus A319	1.528	1.185	1.184	Abrëll 1996	-
Airbus A320	3.989	2.149	2.099	Mäerz 1988	-
Airbus A321	768	529	528	Januar 1994	-
Airbus A330	1.022	625	621	Dezember 1993	-
Airbus A340	384	366	361	Januar 1993	-
Airbus A350	493	0	0	ab 2013	-
Airbus A380	200	16	16	Oktober 2007	-
Total	9.283	5.754	5.494

Militärfligeren

Iwwersiicht
Modell	Bestellungen	Ausliwwerungen	Am Déngscht	Éischt Ausliwwerung
Airbus A310-300 MRT/MRTT	7	7	7	an de spéiden 1990er
Airbus A330-200 FSTA	21	0	0	gëtt entwéckelt
Airbus A400M	192	0	0	2011

Kuckt och

Um Spaweck

Commons: Airbus – Biller, Videoen oder Audiodateien