Marderhond

Dësen Artikel iwwer Hënn ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De Marderhond (Nyctereutes procyonoides), och heiansdo als Tanuki ernimmt, ass déi eenzeg lieweg Raubdéierenaart aus der Gattung Nyctereutes (Marderhënn) bannent der Famill vun den Hënn (Canidae). Dat originellt Verbreedungsgebitt vum Marderhond läit a China, Japan, Russland, Nordkorea, Südkorea, an der Mongolei an am Vietnam. Se liewe gewéinlech a Biergbëscher.

Marderhond
E Marderhond E Marderhond
Aner Sproochen:	fr: chien viverrin de: Marderhund, Tanuki
Systematik
Räich: Déiereräich Stamm: Chordata Klass: Mamendéieren (Mammalia) Uerdnung: Raubdéieren (Carnivora) Famill: Hënn (Canidae) Ënnerfamill: Caninae Gattung: Nyctereutes
Wëssenschaftlechen Numm
Nyctereutes procyonoides (Gray, 1834)

Tëscht 1929 an 1955 goufe knapps 9.000 Marderhënn fir Juegdzwecker am europäeschen Deel vu Russland an an der Ukrain ausgesat. Vun do aus hu se sech séier a Richtung Weste verbreet.. D'Aart ass an der EU als invasiv klassifizéiert. Den 3. Februar 2021 gouf en eng éischt Kéier zu Lëtzebuerg, am Raum Beetebuerg, nogewisenn.

Vum Kapp bis un den Hënner gi se 66–80 cm laang a se hunn e Schwanz dee 15–25 cm laang ass. D'Gewiicht ass tëscht 4–6 kg (am Summer) oder tëscht 6–10 kg (am Wanter). An der Wanterzäit halen d'Marderhënn aus dem Nordareal eng kuerz Wanterrou.

Et gëtt fënnef Ënneraarte vum Nyctereutes procyonoides.

De Marderhond gëtt a Japan "Tanuki" (狸 / タヌキ) oder "Bake Danuki" (化け狸 / ばけだぬき) genannt. Den Tanuki ass e bekannte Personnage vun der japanescher Mythologie. Et ass eng Kreatur mat positiver Konnotatioun, déi gewéinlech als Hengeyōkai (Metamorph) representéiert gëtt^,.

Um Spaweck

Commons: Marderhënn – Biller, Videoen oder Audiodateien

• De Marderhond op neobiota.lu