Marcel Thill
De Marcel Thill, gebuer de 3. Mäerz 1925 zu Sandweiler, a gestuerwen de 26. Oktober 1975 zu Paräis[1], war e lëtzebuergesche Coiffeur, Moler a Keramiker.[2][3]
| Marcel Thill | |
|---|---|
| Gebuer |
3. Mäerz 1925 Sandweiler |
| Gestuerwen |
26. Oktober 1975 Paräis |
| Nationalitéit | Lëtzebuerg |
| Aktivitéit | Coiffer, Moler, Keramiker |
| Member vun | Cercle artistique de Luxembourg |
| Famill | |
| Kanner | Marie-Pierre Trauden-Thill |
 | |
De Marcel Thill war e Jong vum Théodore Thill, Schmadd op der Eisebunn, an der Hélène Delfel. Hien huet 1949 d'Renée Layle bestuet. Si haten e Coiffeursalon Chez Renée - Marcel op der Paräisser Plaz am Garer Quartier vun der Stad. 1970 ass de Salon an d'Al Avenue geplënnert, wou en ënnert dem Numm Salon de Coiffure Thill-Layle nees opgoung.
Als Autodidakt[4] huet den Thill gemoolt a Keramik gemaach. 1968 hat hie säin Debut mat enger Soloausstellung vu ronn 60, meeschtens abstrakte, Biller am Cercle municipal.[5] Hie war Member vum Cercle artistique de Luxembourg an huet bei den alljärleche Salonen ausgestallt. Beim Vernissage vu senger Ausstellung an der Galerie Louvigny (1971) krut hien eng Medail vun der Associatioun Le mérite et dévouement français an den Diplom "Midi chante" vun der Académie du Languedoc.[6] Dräi Joer méi spéit krut hien d'Gëlle Kräiz[onkloer].
Um Krankebett huet hien nach eng Ausstellung geplangt, déi 1977 als Retrospektiv an der Galerie Wierschem gehal gouf.[7]
De Marcel Thill ass am Alter vu 50 Joer zu Paräis gestuerwen. D'Duechter Marie-Pierre Trauden-Thill ass sengem artistesche Virbild gefollegt.
Kuckt och
änneren
Referenzen an Notten
änneren- ↑ Doudesannonce am Luxemburger Wort vum 28. Oktober 1975
- ↑ Jos Welter, red. (1993) Rétrospective : Cent ans d'art luxembourgeois 1893-1993. Lëtzebuerg: Cercle artistique de Luxembourg / Crauthem: Lux-Print. ISBN 2-919970-24-0.
- ↑ "Marcel Thill", Lëtzebuerger Konschtlexikon, MNAHA.
- ↑ Lambert Herr (1992) Anthologie des arts au Luxembourg. Luxembourg: Éditions Emile Borschette. ISBN 2-87982-034-0. S. 336.
- ↑ Jos. Walentiny, "Cercle Municipal", Luxemburger Wort, 29. November 1968.
- ↑ "Vernissage Marcel Thill à la Galerie Louvigny", Luxemburger Wort, 6. November 1971.
- ↑ "Rétrospective Marcel Thill à la Galerie Wierschem", Luxemburger Wort, 4. November 1977.