Geeschterhaischen

D'Geeschterhaischen ass e Lieu-dit am Gréngewald; en huet den Numm vun engem Juegdhaus, dat op dëser Plaz stoung.

Geeschterhaischen
D'Ruin vum Geeschterhaischen am Gréngewald
Land	Lëtzebuerg
Kanton	Lëtzebuerg
Gemeng	Steesel
Buergermeeschter	Fernand Marchetti (LSAP)
Koordinaten	49° 40’ 08.9’’ N       06° 10’ 01.4’’ O

Geographie

D'Geeschterhaische läit op enger Héicht vun zirka 393 m (NG-L), am Flouer Réngelbur, ëstlech vun der A7, an der Kadastersektioun Steesel vun der Gemeng Steesel.

Geschicht

D'Gebai gouf ëm 1890 gebaut a vun de Groussherzogen Adolphe a Wëllem IV. als Juegdhaus benotzt. Et hat e Grondrëss vun ca. 4 x 16 m an hat eng Kichen mat enger Spënnchen lénks vum Gank an op der anerer Säit waren en Iesszëmmer mat enger Schminni an dernieft op Openthaltszëmmer.

Wann a fréieren Zäiten d'groussherzoglech Famill fir d'Juegd oder fir d'Entspanung aus dem Uelzechtdall erop an de Gréngewald koum, si si gemenkerhand mat der Päerdskutsch gefuer. De Bëschwee dee vum haitegen CR126 - tëscht dem Stafelter an deem Punkt wou en op de CR125 stéisst - a Richtung Nordoste fortgeet a laanscht d'Geeschterhaische bis bei d'Prinzessinnen-Eeche féiert, gouf dowéinst Kutschewee genannt.

Biller

• 
  D'Geeschterhaischen ëm 1935
• 
  Grondrëss vum fréiere Geeschterhaischen
• 
  De Kutschewee, net wäit ewech vum Geeschterhaischen

Um Spaweck

Commons: Geeschterhaischen – Biller, Videoen oder Audiodateien