Kierch Waldbëlleg
D'Kierch zu Waldbëlleg ass eng kathoulesch Kierch, déi zur Par Mëllerdall Saint-Michel, zum Dekanat Zentrum an zu der Gemeng Waldbëlleg gehéiert.
| ||||
|---|---|---|---|---|
 Parkierch vu Waldbëlleg (2006) | ||||
| Uertschaft / Plaz | Waldbëlleg | |||
| Par | Mëllerdall Saint-Michel | |||
| Dekanat | Zentrum | |||
| Numm / Patréiner | Hl. Péitrus a Paulus | |||
| Baujoer | 1777-1779 vergr. 1879 an 1895 | |||
| Koordinaten | 49° 47’ 49.6’’ N 6° 16’ 56.7’’ O | |||
 Den Interieur vun der Kierch no der Restauratioun am Joer 2015 no der Restauratioun am Joer 2015 | ||||
| Kierchen - Kapellen | ||||
D'Patréiner vun der Kierch sinn déi zwéin Helleg Péitrus a Paulus, deenen hiert Fest den 29. Juni gefeiert gëtt.
D'Kierch steet am Nordweste vun der Uertschaft an der rue André Hentges.
Den 21. Juni 2017 gouf se als nationaalt Monument op d'Lëscht vun de klasséierte Monumenter agedroen.[1]
Geschicht
ännerenDéi fréier Parkierch vu Waldbëlleg stoung mat hirer nërdlecher Säit bal ganz op den Iwwerreschter vun engem réimesche Graf. Den Alexander Wiltheim (1604-1684) huet dëst Graf a sengem Wierk Luxemburgum romanum mat där imposanter Igeler Sail verglach. Hien huet och selwer 14 eenzel Relieffragmenter dovun nogezeechent. Dës Fragmenter waren an der Baussemauer vun der Kierch siichtbar agemauert.
1779 gouf déi haiteg Parkierch op der selwechter Plaz gebaut. Zanterhir sinn déi réimesch Skulpture verschwonnen.
Am Joer 1808 ass d'Filial Chrëschtnech vun der Par Waldbëlleg ofgespléckt ginn a gouf eng eegestänneg Par.
1879 huet d'Kierch wéinst dem Uwuesse vun der Bevëlkerung misse vergréissert ginn.
De Chouerbou ass 1934 vum bekannte Kierchemoler Nicolas Brücher ausgemoolt ginn.
Bis de 7. Mee 2017 war et d'Parkierch vun der Par Waldbëlleg. Zur fréierer Par Waldbëlleg huet ausser der Parkierch och nach d'Filialkierch vun Haler an d'Méchelskapell um Grondhaff gehéiert.
Kuckt och
ännerenUm Spaweck
änneren| Commons: Kierch Waldbëlleg – Biller, Videoen oder Audiodateien |
Referenzen
änneren- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 26. November 2024).