Kierch Stroossen

D'Kierch zu Stroossen ass eng kathoulesch Kierch, déi zur Par Bartreng–Stroossen Saint-Jean XXIII an zu der Gemeng Stroossen gehéiert.

Kierch vu Stroossen
Parkierch vu Stroossen (2006) Parkierch vu Stroossen (2006)
Uertschaft / Plaz	Stroossen
Par	Bartreng–Stroossen Saint-Jean XXIII
Dekanat	Lëtzebuerg
Numm / Patréiner	Hl. Laurentius
Baujoer	1827
Koordinaten	49° 37’ 05.2’’ N       06° 04’ 11.2’’ O
De Banneraum vum Duxall aus gesinn De Banneraum vum Duxall aus gesinn
Kierchen - Kapellen

De Patréiner vun der Kierch ass den hellege Laurentius, deem säi Fest den 10. August gefeiert gëtt.

Se steet tëscht der rue de l'Église an der rue des Prés. Nieft der Kierch ass de Kierfecht ugeluecht.

Geschicht

1804 gouf Stroossen eng eegestänneg Par an déi éischt Parkierch gouf vun 1826 - 1827 gebaut. Schonn 1843 huet d'Kierch misse vergréissert ginn an den 9. November 1843 gouf déi vergréissert Kierch konsekréiert. 1935 gouf d'Kierch restauréiert an et goufe Klacken ugeschaaft. 1952 gouf eng Uergel vun der Uergelmanufaktur Haupt installéiert. Eng zweet Restauréierung war tëscht 1991 an 1994.

D'Gebai

D'Fënsteren

D'Fënstere si vun der Firma Linster Frères vu Munneref a vum lëtzebuergesche Glaskënschtler Ben Heyart.

Déi nei Digital-Uergel

2005 krut d'Kierch eng nei Allan Digital-Uergel.

Klacken

Déi dräi Klacke vun der Stroossener Parkierch lauden an den Téin gis' fis' e'

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Stroossen – Biller, Videoen oder Audiodateien

• Websäit vum Parverband Bartreng-Stroossen
• Presentatioun vum Parverband Bartreng-Stroossen
• D'Fënstere vun der Kierch vu Stroossen op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu (de)
• D'Kierch Stroossen an der Facebookgrupp Patrimoine religieux Luxembourg - Reliéisen Ierwen Lëtzebuerg ^[sic]