Kierch Schous

D'Kierch zu Schous ass eng kathoulesch Kierch, déi zur Par Miersch Saint-François, zum Dekanat Zentrum an zu der Gemeng Fëschbech gehéiert.

Kierch vu Schous

Filialkierch vu Schous (2014)

Uertschaft / Plaz

Schous

Par

Par Miersch
Saint-François

Dekanat

Zentrum

Numm / Patréiner

Hl. Johannes

Baujoer

1823

Koordinaten

49° 44’ 59.7’’ N
06° 10’ 12.6’’ O

Kierchen - Kapellen

De Patréiner vun der Kierch ass den hellege Johannes den Deefer, deem säi Fest de 24. Juni gefeiert gëtt.

Si steet an der Rollengerstrooss (CR120) net wäit vun der Kräizung mat der Haaptstrooss (CR120, respektiv CR120A).

Den 11. Februar 2022 gouf s'als nationaalt Monument klasséiert.^[1]

Zur fréierer Par Fëschbech gehéieren ausser der Filialkierch vu Schous och nach d'Parkierch vu Fëschbech an d'Kapell vu Weyer.

Geschicht

D'Kierch gouf 1823 gebaut. Iwwer dem Kiercheportal ass eng Skulptur vum Jang dem Deefer vu 1470, déi aus enger Virgängerkapell hierkënnt, a vun engem Här vu Meesebuerg gestëft gewiescht soll sinn. Och vun enger fréierer Klaus goufen Elementer mat verbaut. Den spéitbarocken Altor aus dem spéiden 18. Joerhonnert ass och aus enger anerer Kierch.

1962 gouf de Verbotz op der Säit vum Portal ewechgemaach a bannenan e Verbotz opgedroen. Den Daach gouf gehéicht a verlängert, d'Entrée méi breet gemaach an d'Fläch tëscht dem Tuerm an dem Portal gouf ervirgehuewen a krut en Ustrach.^[2]