Kierch Bungeref

Kierch vu Bungeref
Uertschaft / Plaz Bungeref
Par Rammerech
Saint-Valentin
Numm / Patréiner Hl. Quirinus
Konsekratioun 1747
Architekt(en) Johann-Georg Knaus
Baujoer 1743
Koordinaten 49° 51’ 0.8’’ N
05° 47’ 34.7’’ O
Kierchen - Kapellen


D'Kierch zu Bungeref ass eng kathoulesch Kierch déi zur Par Rammerech Saint-Valentin an zu der Gemeng Rammerech gehéiert.

De Patréiner vun der Kierch ass den hellege Quirinus, deem säi Fest den 30. Abrëll gefeiert gëtt.

Se steet zentral am Duerf an der Kierchestrooss. Nieft der Kierch ass op den zwou Säiten den ale Kierfecht ugeluecht.

GeschichtÄnneren

D'Kierch gouf 1742 bis 1743 vum Baumeeschter Johann-Georg Knaus vu Bungeref gebaut.[1] Se steet op de Fëllementer vun enger méi aler Kierch aus dem Mëttelalter. De 17. August 1747 huet den Tréierer Bëschof Lothar-Friedrich von Malbach d'Kierch geweit an d'Altäer konsekréiert. Baussent der Kierch, laanscht d'Nordmauer vum Schëff, si Reschter vun engem fréieren Ossuarium mat der Inskriptioun: ES QVI FVI ("Du bass wien ech war").

Den Tuerm gouf an der Ardennenoffensiv duerch Granate schwéier beschiedegt. Nom Krich gouf op der Südsäit vum Tuerm en neit Portal an eng nei Fënster agebaut. 1955 gouf hanner der Apsis eng nei Sakristei gebaut.

D'Kierch ass besonnesch kuckeswäert wéinst hirem Mobiliar (Altäer, Statuen, asw.), wouvun déi meescht vum Baaschtnecher Kënschtler Jean-Georges Scholtus sinn. Et gëtt ausserdeem véier sougenannt Orbittafelen (Epitaphen oder Ahnentafelen) vun de Bungerefer Schlasshäre Bondorff-Biersdorff an de Monflin.

Wéinst hirer geschichtlecher a konschthistorescher Bedeitung gouf d'Kierch vu Bungeref mat de Miwwelen an dem Kierfecht de 17. Januar 1967 op d'Lëscht vum Zousazinventaire vun de klasséierte Monumenter opgeholl.

Am Hierscht 2015 ass den Dach vum Tuerm nei gedeckt ginn, d'Fassad an d'Mauer vum Kierfecht sollen Ufank 2016 och erneiert ginn.[2]

KlackenÄnneren

D'Bungerefer Kierch huet zwou Klacken, déi am Toun La a Sol, och genannt b' an as', lauden.

Kuckt ochÄnneren

Um SpaweckÄnneren

Commons: Kierch Bungeref – Biller, Videoen oder Audiodateien

ReferenzenÄnneren

  1. Dëst Kapitel baséiert op: Kulturkommissioun Gemeng Rammerech: Eglise St. Quirin Bigonville.
  2. Neuer Glanz für Sankt Quirinus am Luxemburger Wort vum 1. Dezember 2015