Antoniuskapell zu Haastert

D'Antoniuskapell zu Haastert ass eng kathoulesch Kapell, déi zur Par Musel a Syr Saint-Jacques, zum Dekanat Osten an zu der Gemeng Biwer gehéiert.

Kapell vun Haastert
Kapell zu Haastert (2011) Kapell zu Haastert (2011)
Uertschaft / Plaz	Haastert
Par	Par Musel a Syr Saint-Jacques
Dekanat	Osten
Numm / Patréiner	Hl. Antonius
Koordinaten	49° 41’ 32.7’’ N       06° 21’ 51.5’’ O
Kierchen - Kapellen

De Patréiner vun der Kapell ass den hellegen Antonius, deem säi Fest den 13. Juni gefeiert gëtt.

D'Kapell, déi ufanks vum 20.Joerhonnert gebaut gouf, steet op der Haaptstrooss, dem CR134. Vun 1985 u gouf d'Kapell an e puer Phase renovéiert.

D'Kapell huet fréier zur Par Betzder gehéiert, zu där ausser der Kapell vun Haastert och nach d'Parkierch vu Betzder gehéiert huet.

Nieft dem Agank vun der Kapell steet e Weekräiz vun 1832, dat och scho virum Virgängerbau stoung.

Am Biwener Gemengerot vum 17. Dezember 2019 gouf eestëmmeg decidéiert d'Prozedur zur Entweiung vun der Antoniuskapell anzeleeden^,. An der Kapell goufen zanter 2016 kaum méi reliéis Feieren ofgehalen.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren
• Lëscht vun de Weekräizer zu Lëtzebuerg

Um Spaweck

Commons: Antoniuskapell zu Haastert – Biller, Videoen oder Audiodateien

• Websäit vum Parverband Widdebierg
• Websäit vum Parverband Maacher, Mäertert, Widdebierg, Wormer

• 
  D'Weekräiz virun der Kapell
• 
  D'Kapell vun Haastert
• 
  D'Kapell vun Haastert