Joseph Paquet
De Joseph Paquet, gebuer den 13. August 1804 an der Stad Lëtzebuerg, an do gestuerwen de 4. Februar 1858[1], war e lëtzebuergeschen Historiker.
| Joseph Paquet | |
|---|---|
| Gebuer |
13. August 1804 Lëtzebuerg |
| Gestuerwen |
4. Februar 1858 Lëtzebuerg |
| Nationalitéit | Lëtzebuerg |
| Aktivitéit | Historiker, Lycéesprofesser, Politiker |
| Member vun | Section historique vum Institut grand-ducal |
 | |
Liewen
ännerenDe Joseph Paquet huet op den Universitéite vu Léck, vu Bonn a vu Léiwen studéiert, an op leschtgenannter en Doktorat an der Philosophie gemaach. 1828 gouf hien am Stater Kolléisch Enseignant fir Hollännesch, an dono vun 1830 bis 1848 fir Geschicht a Geografie.[2]
1848 gouf hie Sekretär vum Kinnek fir d’Affäre vum Grand-Duché zu Den Haag, koum awer kuerz drop neees op Lëtzebuerg zeréck op seng Plaz als Geschichtsprof am Athenäum. 1856 gouf en do Professer fir Rhetorik.
Nom A-Kraaft-Triede vum Schoulgesetz vun 1843 gouf hie Schoulinspekter fir de Kanton Lëtzebuerg, a kuerz drop Sekretär vun der Unterréchtskommissioun[3]. Ausserdeem gouf hien Zensor am Athenäum.
De Joseph Paquet war 1845 Grënnungsmember vun der Historescher Sektioun vum Institut grand-ducal.[4]
Vum Juni 1851 bis zu senger Demissioun am Mee 1853 war hien Deputéierten an der Chamber.[5]
Géint Enn vu sengem Liewe war hie gesondheetlech geplot. Hien huet seng Bibliothéik dem Athenäum vermaacht an eng Studie-Bourse gestëft.
Hien ass bekannt dofir, den Auteur vum éischten didaktesche Geschichtsbuch iwwer Lëtzebuerg ze sinn.
Wierk
änneren- Paquet, Joseph: Die Hauptthatsachen der Luxemburger Geschichte, zur Grundlage bei seinem Unterrichte. Luxemburg, 1838.
- Die Geschichte des Luxemburger Landes: faßlich dargestellt zum Gebrauche der Primärschulen. Luxemburg: J.P. Kuborn, 1842.
Gielercher
änneren
Chevalier vum Ordre de la couronne de chêne (Promotioun 1842)
Chevalier vum Hollännesche Léiwenuerden (Promotioun 1849)
Chevalier vum Rouden Adleruerden[6]
Kuckt och
ännerenUm Spaweck
ännerenReferenzen
änneren- ↑ (en)Joseph Paquet (1804-1858) | WikiTree FREE Family Tree. www.wikitree.com (13.08.1804). Gekuckt de(n) 15.09.2023.
- ↑ Quell vun dësem Kapitel, wou net anescht uginn: "Dr. Jos. Paquet". In: Luxemburger Wort, 1858. 18. Jg. (10.02.1858), S. 1-2. [Digitised by the National Library of Luxembourg].
- ↑ ARRÊTÉ ROYAL GRAND-DUCAL, du 17 avril 1844, n° 868, par lequel le sieur Joseph Paquet est nommé aux fonctions de secrétaire de la commission dʼinstruction. In: Verwaltungs- und Verordnungsblatt des Großherzogthums Luxemburg = Mémorial législatif et administratif du Grand-Duché de Luxembourg, p. 287 [Digitised by the National Library of Luxembourg].
- ↑ Historique op igs-sh.lu (nogekuckt: 2023-09-13)
- ↑ (de)Joseph Paquet. Der Telegraph. eluxemburgensia.lu (10. Februar 1858). Gekuckt de(n) 15.09.2023.
- ↑ Johann Engling: Necrologisches Andenken an Herrn Joseph Paquet: Doctor, Professor und Censor am K.G.-H. Athenäum, Ritter der Luxemburgischen Eichenkrone, des Niederlaendischen Loewenordens und des K.P. rothen Adlers. Luxemburg: P. Brück, 1858.