Jhemp Bastin

De Jhemp (Jean-Paul) Bastin, gebuer de 24. Mee 1963 zu Ettelbréck, ass e lëtzebuergesche Sculpteur.

Jhemp Bastin
Gebuer	24. Mee 1963 Ettelbréck
Nationalitéit	Lëtzebuerg
Aktivitéit	Sculpteur

Topographie I, Wierk vum Jhemp Bastin an der Our fir de Projet hArt an der grenze (2007).

Liewen

De Jhemp Bastin huet op der Académie royale des beaux-arts zu Bréissel an op der École nationale supérieure des beaux-arts zu Paräis studéiert.

Nodeem hien eng kuerz Zäit am Stol geschafft huet, huet e sech op hëlze Skulpture spezialiséiert, déi hie mat enger Kettesee beaarbecht. Hie schafft haaptsächlech am Eechen- an am Bichenholz. Déi schwaarz Fierwung u senge Skulpturen ass verkuelten Holz, dat mat Hëllef vun engem Schweessbrenner entsteet.

Am Kader vum Kulturjoer 2007 huet de Jemp Bastin beim Projet hArt an der grenze matgemaach. Säi Bäitrag war eng Skulptur aus Eechenholz mam Titel Topograpie I, déi bei Ënnereesbech um Lieu-dit "Kaendel" op der lëtzebuergesch-däitscher Grenz an der Our stoung.

De Jhemp Bastin lieft a schafft zu Bidscht.

Perséinlech Ausstellungen

2001

• Galerie du Théâtre, Esch-Uelzecht
• Galerie et Centre de Création B/C2, Beetebuerg

2002

• Galerie Simoncini, Stad Lëtzebuerg

2004

• Galeria d'art contemporani Maria Villalba i Badia, Barcelona

2005

• Galerie Simoncini, Stad Lëtzebuerg

2006

• Galerie les Vergers de l'Art, Paräis

2007

• Galerie du Château de Bourglinster, Buerglënster
• hArt an der Grenze – art sur la frontière, Ënnereesbech

2008

• Biennale d'art contemporain de Marcigny, Marcigny
• Green'Art, Golf de Rougemont, Namouer

2009

• International sculpture triennial, Poznań
• Galerie Schlassgoart, Esch-Uelzecht

2010

• Galerie Simoncini, Stad Lëtzebuerg

2011

• BGL BNP Paribas a CAL, (Danielle Grosbusch - Pascal Piron - Jhemp Bastin), Stad Lëtzebuerg

2012

• Galerie Chantal Bamberger, Stroossbuerg
• Skulpturenweg am Erbeskopf, Rheinland-Pfalz

2013

• Jhemp Bastin, Sculptures, Galerie Simoncini, Stad Lëtzebuerg

Auszeechnungen a Präisser

• 1995, um Salon vum Cercle artistique de Luxembourg, krut hien zesumme mat der Barbara Wagner, de Prix d'encouragement aux jeunes artistes.
• 1995, Prix de la Biennale des Jeunes zu Esch-Uelzecht
• 2001, gouf hien um Salon vum Cercle artistique de Luxembourg mam Prix de Raville vun der Dresdner Bank ausgezeechent.
• 2001, Prix du Club 51 Bassin Minier
• 2008, Prix du Public de la 4e Biennale d'art contemporain, Marcigny

Literatur

• Herr, Lambert, 2010. Jhemp Bastin. [Mat engem Viwuert vum André Simoncini ] ISBN 978-2-87963-776-1
• Salm-Salm, Marie-Amélie zu, 2005. Jhemp Bastin: sculptures 2000-2004. ISBN 2-87996-845-3

Kuckt och

• Lëscht vu lëtzebuergesche Konschtschafenden

Um Spaweck

Commons: Jhemp Bastin – Biller, Videoen oder Audiodateien

• De Jhemp Bastin op der Websäit 4art.lu (fr)
• De Jhemp Bastin op der Websäit vum Cercle artistique de Luxembourg (fr)
• De Jhemp Bastin op der Websäit vu mediArt (de)

Billergalerie

• Wierker aus 'Jhemp Bastin, Sculptures', Galerie Simoncini, 2013
• 
• 
• 
• 
• 
•