Jean Muller (Pianist)

Dësen Artikel beschäftegt sech mat dem Pianist Jean Muller. Fir aner Leit mat dem selwechten Numm, kuckt wgl. Jean Muller.

De Jean Muller, gebuer den 11. Dezember 1979 an der Stad Lëtzebuerg, ass e lëtzebuergesche Pianist.

Jean Muller
Gebuer	11. Dezember 1979 Lëtzebuerg
Nationalitéit	Lëtzebuerg
Educatioun	Conservatoire vun der Stad Lëtzebuerg
Aktivitéit	Pianist

Formatioun

Scho mat 6 Joer war de Jean Muller an der Klass vun der Pianosprofessesch Marie-José Hengesch am Conservatoire vun der Stad Lëtzebuerg. Mat 7 Joer ass him well eng Uropféierung vun engem Wierk vum renomméierte Komponist Alexander Mullenbach uvertraut ginn. Wéinst sengen exzellente Punkte krut hien am Joer 1995, am Alter vu 15 Joer, en Auslandssemester op der lettescher Museksakadmie zu Riga beim Professer Teofils Bikis ugebueden. Et sollt awer net bei engem Auslandssemester bleiwen. De Jean Muller huet och nach zu München, zu Bréissel an zu Paräis studéiert. Do gouf hie vum Jewhen Mohylewskyj, Eugen Indjic, Gerhard Oppitz a vum Michael Schäfer ënnerriicht.

Repertoire

• W. A. Mozart
• L. van Beethoven
• J. Brahms
• F. Chopin
• F. Liszt
• A. Dvořák
• E. Grieg
• S. Rachmaninow
• P. Tschaikowsky
• C. Saint-Saëns
• S. Prokofjew
• M. Ravel
• F. Poulenc
• I. Boumans
• Ligeti G. S.

Gielercher

• Chevalier de l'Ordre de Mérite civil et militaire d'Adolphe de Nassau (Promotioun 2007)

Um Spaweck

• Offiziell Websäit vum Pianist Jean Muller op Englesch, Däitsch, Franséisch a Japanesch