Ivan Boumans

Den Ivan Boumans, gebuer den 12. November 1983 zu Madrid, ass e spuenesch-lëtzebuergesche Museker, Komponist, Dirigent a Professer.

Ivan Boumans
Gebuer	12. November 1983 Madrid
Nationalitéit	Lëtzebuerg
Educatioun	Paräisser Conservatoire, Conservatoire vun der Stad Lëtzebuerg
Aktivitéit	Komponist, Professer, Dirigent

Liewen a Studium

De Boumans huet a Spuenien, der Heemecht vu senger Mamm, ugefaange Musek ze léieren, am Ufank zu Valverde del Jucar an duerno an enger privater Museksschoul zu Cuenca.

1998 koum hien op Lëtzebuerg, d'Heemecht vu sengem Papp, wou hien nach weider am Conservatoire vun der Stad Lëtzebuerg Musek studéiert huet (Kompositioun, Orchester Direktioun, Harmonie, Piano, Klarinette, Museksgeschicht, Uergel, Pedagogie,... ë. a.)

Vun 2006 bis 2011 huet hien zu Paräis, um Conservatoire national supérieur de musique et de danse de Paris studéiert wou hien e Master Diplom am Musekschreiwe gemaach huet.

Kompositiounen

Säi Kompositiounskatalog huet méi wéi honnertfofzeg Titelen, mat Wierker déi vu sinfonesch bis op Solo Repertoire ginn. Vill vun deene Kompositioune sinn Optragswierker a goufe vu besonneschen Ensembelen zu Lëtzebuerg an am Ausland opgefouert.

E puer vu senge Wierker goufen op CD opgeholl a si bei Internationale Verlagshaiser disponibel.

Aner Aktivitéiten

Hien ass Professer fir Museksteorie am Conservatoire vun der Stad Lëtzebuerg, an och als Freelance-Komponist an Dirigent aktiv

Präisser

Am Januar 2020 krut hien de Kompositiounspräis vun der International Classical Music Awards Associatioun.

Kuckt och

• Lëscht vu lëtzebuergesche Komponisten

Um Spaweck

• Websäit vum Ivan Boumans (en)
• ICMA Präis 2020 Lëscht vun de Gewënner (en)