Gérard Valerius
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
De Gérard Valerius, gebuer ëm 1963[1], ass eng lëtzebuergesch Radiosperséinlechkeet. Hien ass och Galerist, fréiere Wiert a Bedreiwer vun Nuetsbaren. Hie gouf dofir dacks als "Kinnek vum Nuetsliewen" bezeechent.[2],[3],[4]
| Gérard Valerius | |
|---|---|
| Gebuer | 26. Juli 1963 |
| Nationalitéit | Lëtzebuerg |
| Aktivitéit | Galerist, Radiosspeaker |
 | |
Liewen
ännerenSeng Elteren haten e Riddosbuttek. Hie war siwe Joer Ersatzschoulmeeschter, an huet och eng kuerz Zäit bei der Cargolux geschafft.[5]
1993 ass seng Disko, den Didjeridoo oder einfach "Didj", zu Hollerech opgaangen, déi bis 2005 existéiert huet.[5],[6] Vun 2008 u war hie Gérant vun der Bar "King Wilma" an de Rives de Clausen, déi 2016 hir Dieren zougemaach huet.[7]
2017 huet hie seng eege Galerie fir zäitgenëssesch Konscht op der Stater Theaterplaz opgemaach.[8]
Hie war eng Zäit laang Member vun der Band Djuju.[9]
De Gérard Valerius ass Chroniqueur an der Emissioun 5 vir 12, engem "alternative Wocheréckbléck" op RTL Radio Lëtzebuerg. Hien huet do virdrun och aner Emissiounen animéiert a war och laang bei den RTL-Déckkäpp. Och an anere Programmer op RTL Radio an op RTL Télé Lëtzebuerg ass hien heiansdo ze héieren an ze gesinn.
Referenzen
änneren- ↑ (fr)« Je n'ai jamais été un grand épargnant ». Paperjam Mars 2020 by Maison Moderne, (p. 107). issuu.com (03.03.2020). Gekuckt de(n) 10.07.2023.
- ↑ paperjam.lu: Vivre entouré d’art vum Céline Coubray (27. Mäerz 2021)
- ↑ rtl.lu: Gerard Valerius: Kee gewéinleche Galeriebesëtzer
- ↑ woxx.lu: Peinture : Le boxeur vum Luc Caregari (15. November 2018)
- ↑ 5,0 5,1 De Gérard Valerius am RTL Podcast Podpurri Archivéiert de(n) 10.07.2023. Gekuckt de(n) 10.07.2023.
- ↑ Interview mam Gérard Valérius an De Bistro - Stëmm vun der Strooss, Januar 2008, N°49
- ↑ land.lu: L’esthétique relationnelle vum Josée Hansen (21. Abrëll 2017)
- ↑ paperjam.lu: Le jour où… j’ai investi dans l’art, avec Gérard Valerius vum Jeanne Renauld (2. Dezember 2021)
- ↑ tageblatt.lu: Djuju forever! vum René Hoffmann (7 . August 2013)