Floreana

Floreana, och Santa Maria genannt, ass eng 173 km² grouss Insel an eng vun de fënnef bewunnten Insele vum Galápagosarchipel. Se gehéiert politesch zu Ecuador.

Floreana
Geographie
Land	Ecuador
Läit an/am	Pazifeschen Ozean
Gehéiert zu	Galápagosinselen
Koordinaten	1°17'51"S, 90°26'3"W
Fläch	172,53 km²
Längt	18 km
Breet	16 km
Verwaltung
Demographie
Awunner	100
Aner Informatiounen
Genannt no	Maria, Santa Maria

Wëllkomm-Schëld op Floreana

Den Numm

Den offiziellen Numm vun der Insel kënnt vum Juan José Flores, dem éischte President vun Ecuador. De spueneschen Numm Santa Maria staamt vun engem vun de Schëffer vum Christoph Kolumbus, deen d'Insel "entdeckt" huet.

D'Insel huet e vulkaneschen Ursprong, déi vill al Vulkaner goufe vum Wand a vum Waasser ofgedroen, an et gëtt schonn laang keng vulkanesch Aktivitéit méi.

D'Insel déi duerch den Arteräichtum deen et drop gëtt, en tropeschen Aspekt huet, ass vu groussem botaneschen Intressi.

Intressant Plaze sinn:

• d'Punta Cormorant, wou et méi wéi 50 Vulkankeegele gëtt; hei fënnt ee vill rosa Flamingoen an dat kloert Waasser ass ideal fir ze dauchen an de Mieresbuedem z'exploréieren;
• d'Post Office Bay, eng historesch Plaz wou um Enn vum 18. Joerhonnert en Holzfaass opgeriicht gouf wou ee seng Post konnt dra geheien. Am Ufank gouf dës Postplaz vun de Walfëscher benotzt an de Gebrauch ass bliwwen, soudatt hautdesdaags och Yachten déi um Passage sinn, an Touristen hire Courrier do ofginn.

Kuckt och

• Fernandina
• Santa Fe (Galapagos)

Um Spaweck

Commons: Floreana – Biller, Videoen oder Audiodateien

• Galapagos