Eugène Ferron

Den Eugène Ferron, gebuer de 25. Februar 1841 an der Stad, an och do gestuerwen den 31. Dezember 1903, war e lëtzebuergesche Moler, Zeecheprofesser, Mathematiker an Ingenieur.

Eugène Ferron
Gebuertsnumm	Eugenius Ferron
Gebuer	24. Februar 1840 Lëtzebuerg
Gestuerwen	31. Dezember 1903 Lëtzebuerg
Nationalitéit	Lëtzebuerg
Aktivitéit	Ingenieur, Moler

Eugène Ferron: Bauerenhaff

Säi Liewen

Vun 1854 bis 1861 huet den Eugène Ferron säi Secondaire am Stater Kolléisch absolvéiert. Hien huet do säin Talent fir d'Mathematik an d'Zeechnen entwéckelt a war an den Zeechen- a Molcourse beim Jean-Baptiste Fresez a gouf do mat der ieweschter Auszeechnung, der grande médaille, ausgezeechent.

1862 ass den Eugène Ferron op Gent studéiere gaangen a krut 1867 säin Diplom als Ingénieur civil.

Dat Joer duerno krut hien eng definitiv Nominatioun als Zeechen- a Mathematiksprofesser am Stater Kolléisch.

Vun 1874 u bis zu sengem Doud war de Ferron Regierungskommissär fir d'Eisebunn.

Als Ingenieur gouf hien 1876 vun der Regierung chargéiert eng Propositioun fir de Bau vun enger Bréck iwwer de Péitrussdall ze maachen. Seng Propositioun fir eng Bréck mat engem grousse Bou vun 80 Meter ze bauen, gouf méi spéit vun aneren opgeholl a mam Bau vun der Neier Bréck ëmgesat.

De Ferron war Member vun der naturwëssenschaftlecher Sektioun vum Institut grand-ducal.

Wierker

• 1868: Les ombres de la niche (Applications de la Géométrie descriptive), Édition Rosbach
• 1870: Einige Resultate der mathematischen Gewölbetheorie, Édition Peter Brück
• 1874: Mémoire sur le calcul et la construction des polygones réguliers, Édition Victor Bück
• 1876: Études analytiques sur l'effet mécanique des locomotives, Édition Victor Bück
• 1882: Die schiefen Gewölbe, Édition Victor Bück
• 1882: Nouveau système d'exposition du principe des vitesses virtuelles en mécanique, Édition Victor Bück
• 1883: Étude sur la catastrophe de Hugstetten survenue à un train de plaisir de Fribourg à Colmar, le 3 septembre 1882, Édition Victor Bück
• 1883: Détermination du mouvement d'un point matériel sur un plan incliné en ayant égard à la rotation diurne de la terre, Édition Victor Bück
• 1891: Sur la température du globe terrestre, Édition Alphonse Picard, Paris
• 1894: Contribution à la thèorie générale du mouvement d'un système de corps, Édition ?, Paris
• 1895: Théorie mécanique des bicycles, Édition ?, Paris
• 1895: Les causes physiques de la dispersion de la lumière, Édition Polleunis et Ceuterick, Bruxelles
• 1986: Note sur l'état intérieur du globe terrestre, Édition M. Hayez, Bruxelles
• 1901: Contribution à la théorie générale du mouvement des corps solides naturels, Édition L. Bück
• 1902: Contribution à la théorie mathématique de la chaleur, Édition L. Bück
• 1903: Le second viaduc sur la Pétrusse à Luxembourg, Tiré-à-part aus dem Bulletin Mensuel de l'Association des Ingénieurs Luxembourgeois, Édition M. Huss

Ausstellungen

• Posthum: Retrospektiv an der Konschtgalerie “La Chapelle” zu Munneref (1980)

Literatur

• Friedrich, E.: Der doppelte Eugène Ferron, Revue Nr 8, 1980.
• APEA, 1987, Regard sur deux siècles de création et d'éducation artistiques au Luxembourg Association des Professeurs d'Education artistique de l'Enseignement secondaire et supérieur (APEA), Impr. St-Paul, Luxembourg, 332 S. (Eugène Ferron: S. 88-89).

Gielercher

• Chevalier vum Ordre de la couronne de chêne (Promotioun 1890)
• Offizéier vum Preisesche Krounenuerden (Promotioun 1903)

Kuckt och

• Lëscht vu lëtzebuergesche Konschtschafenden

Um Spaweck

Commons: Eugène Ferron – Biller, Videoen oder Audiodateien