De Lampertsbierg

De Lampertsbierg ass e lëtzebuergeschen Documentaire vum Joy Hoffmann aus dem Joer 2021. E koum den 21. November 2021 an d'Kinoen

De Lampertsbierg

Film
Produktiounsland	Lëtzebuerg
Première	14. November 2021 (Avant-première)
Dauer	178 min
Faarf	Schwaarz-Wäiss, Faarweg
Originalsprooch	Lëtzebuergesch
Ekipp
Regie	Joy Hoffmann
Dréibuch	Joy Hoffmann
Fotografie	Nikos Welter
Musek	Pol Belardi
Schnëtt	Misch Bervard
Produzent	Viviane Thill
Produktiouns- gesellschaft	Centre national de l'audiovisuel
Schauspiller
keng (Documentaire) Kommentar geschwat vun: Gintare Parulyte a Joy Hoffmann (lb); Sophie Langevin an Denis Jousselin (fr)
Filmportal - Filmer no Joren - Film no Länner - Film no Genre

Ëm wat geet et am Film?

De Lampertsbierg ass e Portrait vum Stater Quartier Lampertsbierg, deen de lokale Spezifitéiten nogeet, an déi 150järeg Geschicht vum Quartier, am Zesummenhang mat där vun der Stad a vum Land, retracéiert.

De Film presentéiert sech als eng Serie vu 6 Deeler, vun allkéiers enger décker halwer Stonn:

1. D'Urbanisatioun vum Quartier 1867-1940 (39 Min.)
2. Den Zweete Weltkrich (28 Min.)
3. Vu Kënschtler, Geschäfter a Betriber (38 Min.)
4. D'Liewen um Lampertsbierg an de 60er Joren (36 Min.)
5. Ënnerhalung a Kultur (37 Min.)
6. Vu Schüler, Immigranten an enger neier Festung (29 Min.)

Am Kino gouf en an 2 Deeler vu ronn 105 Minutten, mat jee 3 Episoden, gewisen.

Hannergrond

De Film baséiert op Interviewe mat zum gréissten Deel Lampertsbierger Leit, op Filmarchiven aus dem CNA a vun RTL, zousätzlech gedréite Biller, a Fotoen an Dokumenter aus diverse Lëtzebuerger Archiven, a private Kollektiounen.

Kritik

Michel Delage, Radio 100,7:

De Lampertsbierg ass e klassesch opgebauten Documentaire, mat enger Hellewull u Material, Fakten an Zäitzeien [...] Dëse ganz liewegen an interessante Portrait vun engem grad esou liewegen an interessante Quartier, dee vum CNA produzéiert an an Zesummenaarbecht mat de Lampertsbierger Geschichtsfrënn entstanen ass, dierft wuel en onëmgänglecht Referenzwierk ginn.

rtl.lu:

De Lampertsbierg ass awer vrun allem de Portrait vun engem Stater Quartier, deen eng enorm Entwécklung gemaach huet, fir et mat engem Beispill ze soen: vum alen Tramsschapp bis bei de modernen Tram. [...] Heiansdo géif ee sech als Spectateur vläicht e bëssi Relache wënschen, e puer Momenter ootmen duerfen, d'Biller eleng schwätzen a wierke loossen an dat verschaffen, wann een do alles gewuer ginn ass. An heiansdo hätt ee sech gär vum Joy perséinlech nach méi mathuele gelooss a säi Quartier a bei déi Leit, mat deenen hie sech ënnerhalen huet.

Pablo Chimienti, d'Lëtzebuerger Land:

Certains sujets[...] reviennent à plusieurs reprises, ce qui finit par être redondant dans cette version cinéma aux épisodes regroupés. Un problème qui s'ajoute à un va-et-vient constant entre documentaire subjectif et reportage factuel qui dérange un peu le propos, à quelques interviews où le réalisateur est tutoyé et directement cité par les intervenants ou encore à un cadre tremblant même sur des plans fixes d'un immeuble ou d'une stèle commémorative… Autant de petits défauts qui donnent à ce Lampertsbierg une impression de fourre-tout, certes pas inintéressant, mais pas tout à fait maîtrisé.

Kuckt och

• Lëscht vu lëtzebuergesche Filmer

Um Spaweck

• Pressedossier zum Film, op cna.public.lu (gekuckt:2021-12-15).
• Fiche vum Film, op cna.public.lu.
• Film vun der Woch, 21.11.2021. Reportage op RTL Telee.

„De Lampertsbierg“ op play.rtl.lu

• Kapitel 1 – D'Urbanisatioun vum Quartier 1867-1940 (39 Min.)
• Kapitel 2 – Den Zweete Weltkrich (28 Min.)
• Kapitel 3 – Vu Kënschtler, Geschäfter a Betriber (38 Min.)
• Kapitel 4 – D'Liewen um Lampertsbierg an de 60er Joren (36 Min.)
• Kapitel 5 – Ënnerhalung a Kultur (37 Min.)
• Kapitel 6 – Vu Schüler, Immigranten an enger neier Festung (29 Min.)