Christophe Schiltz
De Christophe Schiltz, gebuer den 12. Dezember 1978, ass e lëtzebuergesche Jurist, Diplomat a Politiker (LSAP).[1]
| Christophe Schiltz | |
|---|---|
_Christophe_Schiltz.jpg) | |
| Gebuer | 12. Dezember 1978 |
| Nationalitéit | Lëtzebuerg |
| Aktivitéit | Politiker, Jurist, Diplomat |
| Partei | LSAP |
 | |
Hien ass President vum Staatsrot[2] a Member vum Permanente Schidsgeriichtshaff vun Den Haag[3]. Gläichzäiteg ass hien Direkter vun der Entwécklungszesummenaarbecht an der humanitärer Aktioun am Ausseministère[4].
Biographie
ännerenBerufflech ass de Christophe Schiltz Diplomat am Ausseministère a war Chef vum Service juridique[5]. Vu Februar 2020 u war hien Ministre plénipotentiaire a Generalcoordinateur an der Direktioun vun der Entwécklungszesummenaarbecht an der humanitärer Aktioun[6]. Säit September 2022 ass hien Direkter vun der Entwécklungszesummenaarbecht an der humanitärer Aktioun am Ausseministère[7].
Hie war 2009[8] an 2013[9] Kandidat fir d'LSAP bei de Chamberwalen am Bezierk Zentrum.
Den 28. November 2013 gouf hie vum Grand-Duc als Member vum Staatsrot ernannt.[10] Hien huet domat d'Nofolleg vun der Erna Hennicot-Schoepges, déi am Summer 2013 aus Altersgrënn op hiert Mandat huet misse verzichten[11], ugetratt.[12]
De 7. Abrëll 2021 gouf hien als Nofollger vun der Agnès Durdu zum President vum Staatsrot ernannt[13]. Hien ass de jéngste President an der Geschicht vum Staatsrot[14].
De Christophe Schiltz ass och Member vum Permanente Schidsgeriichtshaff vun Den Haag.
Gielercher
änneren- Grand-Officier vum Ordre de la couronne de chêne (Promotioun 2023)[15]
Referenzen
änneren- ↑ Lëscht vun den LSAP Kandidate fir d'Parlamentswale vum 20. Oktober 2013 am Walbezierk Zentrum
- ↑ Conseil d'État - Présidents depuis 1857. Gekuckt de(n) 19. Februar 2024.
- ↑ Members of the Court | PCA-CPA. pca-cpa.org. Gekuckt de(n) 17.01.2020.
- ↑ Annuaire des institutions publiques luxembourgeoises. Gekuckt de(n) 19. Februar 2024.
- ↑ Annuaire vun de Regierungsadministratiounen op der Websäit etat.lu gekuckt de 27.05.2014
- ↑ Christophe Schiltz nommé coordinateur général. Gekuckt de(n) 19. Februar 2024.
- ↑ Delano + Paperjam Business Guide. Gekuckt de(n) 19. Februar 2014.
- ↑ Walresultat Chamberswalen 2009 elections.public.lu
- ↑ Walresultat Chamberswalen 2013 elections.public.lu
- ↑ Lëscht vun de Membere vum Staatsrot op der Websäit conseil-etat.publi.lu gekuckt de 25.12.2013
- ↑ Méiglech Nofollger vum Erna Hennicot-Schoepges wort.lu
- ↑ Christophe Schiltz nommé au Conseil d'État paperjam.lu
- ↑ Marc Hoscheid: Christophe Schiltz: „Eine Politisierung verhindern“ op wort.lu an am Luxemburger Wort vum 19. Abrëll 2021
- ↑ Christophe Schiltz, nouveau président du Conseil d’État. Gekuckt de(n) 19. Februar 2024.
- ↑ (fr)Ministère d’État - Promotion générale dans les Ordres nationaux - Nominations. data.legilux.public.lu (25.05.2023). Gekuckt de(n) 23.02.2024.