De Christophe Schiltz, gebuer den 12. Dezember 1978, ass e lëtzebuergesche Jurist a Politiker (LSAP).[1]

Berufflech ass hien Diplomat am Ausseministère a Chef vum Service juridique[2].

Hie war 2009[3] an 2013[4] Kandidat fir d'LSAP bei de Chamberswahlen am Bezierk Zentrum.

Den 28. November 2013 gouf hie vum Grand-Duc als Member vum Staatsrot ernannt.[5] Hien huet domat d'Nofolleg vun der Erna Hennicot-Schoepges, déi am Summer 2013 aus Altergrënn op hiert Mandat huet misse verzichten[6], ugetratt.[7]

De Christophe Schiltz ass och Member vum Permanente Schiidsgeriichtshaff vun Den Haag[8].

ReferenzenÄnneren

  1. Lëscht vun den LSAP Kandidate fir d'Parlamentswale vum 20. Oktober 2013 am Walbezierk Zentrum
  2. Annuaire vun de Regierungsadministratiounen op der Websäit etat.lu gekuckt de 27.05.2014
  3. Wahlresultat Chamberswahlen 2009 elections.public.lu
  4. Wahlresultat Chamberswahlen 2013 elections.public.lu
  5. Lëscht vun de Membere vum Staatsrot op der Websäit conseil-etat.publi.lu gekuckt de 25.12.2013
  6. Méiglech Nofollger vum Erna Hennicot-Schoepges wort.lu
  7. Christophe Schiltz nommé au Conseil d'État paperjam.lu
  8. Members of the Court | PCA-CPA. pca-cpa.org. Gekuckt de(n) 2020-01-17.