Canada-France-Hawaii Telescope
De Canada-France-Hawaii Telescope (CFHT) gëtt am Zesummenaarbecht vum National Research Council of Canada, dem Centre national de la recherche scientifique (CNRS) aus Frankräich a vun der Universitéit vun Hawaii bedriwwen. Et ass e Groussteleskop mat engem Haaptspigelduerchmiesser vun 3,58 m, a steet um Vulkan Mauna Kea op Hawaii op enger Héicht vu 4.204 m. D'Teleskop gëtt zanter 1979 fir wëssenschaftlech Zwecker benotzt.
Den CFHT ass wéi dat berüümt Palomar-Teleskop e klassesche Primärfokus/Cassegrain-Teleskop mat engem parabolesch geschlaffenen Haaptspigel. D'Fotosapparature sinn eng Groussfeldkamera mat engem héichopléisendem CCD-Mosaik aus 36 eenzelen CCDs mat jee 2048 × 4612 Pixelen, en Infraroutdetekter an eng Infraroutgroussfeldkamera, e System fir adaptiv Optik a verschidde Spektrographen.
Fuerschungsschwéierpunkte vum CFHT sinn/ware bis elo:
- Eng Himmelsduerchmusterung (Canada-France-Hawaii Telescope Legacy Survey, CFHTLS), déi an enger Observatiounskampagne iwwer 5 Joer mat ronn 450 Observatiounsnuechten zesummegestallt ginn ass.
- Fuerschung vun extreem wäite Galaxien an der groussraimeger Struktur vum Universum.
- Fuerschung vu klengen Asteroiden a Mounde vum Sonnesystem, wéi nei Jupitermounden an dem zweedeelege Kuiperceintureobjet 1998 WW31.
